عەدێ و مەدێ 40
چارەمان نەما، هەر چارمان دابەزین و دەستمان بە پاردانی جێبە قووتەی کرد، ئەسکەندەر جێبی دابووە بۆش، لۆ بەخت و نیووچەوانی مە، جێب ڕووی لە سەر هەورازی بوو، ئاخر کۆرانەکەی مە لایەکی لە لایەکی برند ترە، ئەسکەندەر هەر دەیگۆ قەیمتر، یاڵلا ئەوجارەش، وەلحاسر مندار و تاری کۆرانێمان لێ خڕبوونەوە، بە حسابان لەگەرەمە پاریان دەدا، ئێک دووەکیان هەند خۆڕی بوون، وەکی جێب دەجولا و دەڕۆیی خۆیان پێوە دەکرد! عەدێ بەناویان کەت بە شەق و پێلەقان، گۆتی: هەی سەگبابینە ئەنگۆ هاتینە پاردەن یان سوار بن! لەگەر ئەو قسەی عەدێ پێکەنینەکم گرت نەبیتەوە، ئاخر وەڵلاهی هەندە جار قسەی کوردیش مەعنای قۆڕ دەدا! عەدێ ئەعسابی لەمن نەمابوو، ئاوڕەکی داوە و گۆتی: بەس بزانم ئەتوو بەچ پێدەکەنی، وەختی هەندێیە، ئەمن وا لەناو ئارەقەی غەرق بوویمە! نەمتانی لە بەر پێکەنینێ چیدی جێبە قووتەی پاردەم، کشامەوە پاش و لەسەر چینچکان دانیشتم! عەدێ و دوو زەلامەکەی دی پاریان دەدا و ئەمنیش پێدەکەنیم، وەختەکی بەدە تەنگەستوور هاواری کرد و گۆتی: دەرێی عەبی(حەب) پێکەنینێت خواردیە وەها لە قریتەی دەدەی!
وەلحاسر دوو کۆرانمان کرد هەتا بە ئیش کەت، ئەسکەندەر گۆتی: یاڵلا سوار بن، بەئیش کەت! سواری جێبە قووتەی بووینەوە، عەدێ گۆتیە من وەڵلا وەبیللا هەق نیە ئەتوو بێی! بەس لە پێکەنینێت ئازا کرد بوو، ئەسکەندەر گۆتی: عەدێ واز بینە و زۆر لەسەر مەڕۆ! گۆتمە ئەسکەندەری چاوەکەمی ئاگات لە گێڕ و کلاجی بی نەکوژێتەوە، ئەوجارە هۆلاکۆش ڕایکێشی ئیش ناکاتەوە! عەدێ گۆتی: ئەرێ سوعالەک سوعال! گۆتم: برێ! گۆتی: ئەوە وەیە دەرێن هەولێر هۆلاکۆی بەزاندیە؟ گۆتم: ناوەڵلا ئەسل و ئەساسی نیە! گۆتی: ئەدی لۆ وەدەرێن؟ گۆتم: ئەدی کورد هەر ئەوها نیە، لە بنەوەش بی، دەرێ ئەمن لە سەرەوەمە! عەدێ گۆتی: ئەمن دەرێم وەیە و تەواو! گۆتم: ئەمن دەرێم وەنیە و تەواو، دەبڕۆ تاریخی بخینەوە! گۆتی: ئەمن تاریق و جوقرافیەی نازانم، بەران عیزب دەرێ وەیە و تەواو، وەڵلاهی عیزب برێ ماست ڕەشە، دەرێم ڕەشە!
گەیشتینە پێش دەرکەی خەستەخانەی، ئەمە لە پێشەوە و کۆستەر لە دوومە، کابرای بەر دەرکەی خەستەخانەی هاتە پێش و گۆتی: فەرموون! هەر ئەو گۆتی: فەرموون! لە ناو جێی بووە ڕمب و هۆری دۆر و زوڕنای! هەر زەندەقم چوو، دوو زەلامە ڕەشتارەکە توومەز دۆرچی و زوڕنا گێو بوون، ئەوجە کابرای ئەبوو زوڕنا ڕێک زوڕنایەکەی بەگێی من وەنابوو، هەر خوا ڕەحمی کرد مێشکم لە کوونە کەپووم نەهاتە دەرێ!
مایتی.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 711
Γράψτε το σχόλιό σας για αυτό το προϊόν!