عەدێ و مەدێ 41
ئەسکەندەر بە پەنجەی ئیشارەتی دا کارمەندەکەی پرسگەیی و گۆتی: وەرە لایمن! کارمەندەکە سوڕاوە و چووە کن ئەسکەندەری، ئەسکەندەر گۆتی: ئەو دەرکەی بکەوە با بچینە ژۆرێ! کەرمەندەکە گۆتی: جەنابت کێی هەتا دەرکەت لۆ بکەمەوە؟ ئەویش گۆتی: ئەمن ئەسکەندەرم! ئەبو پرسگەش گۆتی: ئەسکەندەری مەقدۆنی! ئەسکەندەر ئەعسابی نەما، گۆتی: نەخێر، ئەسکەندەری برای عەدێ و مەدێی! کابرا گۆتی: نە بابە! ئەتوو بەڕاستتە؟ ئەسکەندەر پشیەکی هاتەوە بەرێ و دری خۆشبوو، لۆیێ گۆتی: دیارە دەیانناسی؟ کابرا بڕەکی تووند کرد و گۆتی: نەخێر نایناسم و لموزی جێبەکەت بسوڕێنە و لەکێ هاتی بڕۆوە وێندەرێ، یاڵلا زوو تاخیرمان مەکە! ئەسکەندەر دەماری مێشکی هەمووی جۆت بوون و گۆتی: ئەو دەرکەی دەکەیەوە یان بێمە خوارێ دوو هەزار شاپت لێدەم! کابرای پرسگەی ڕاست خووی گرت، پڕی دا دەرکەی جێبە قووتەیی و کردیەوە و ڕوو بووە سینگی ئەسکەندەری و ڕایکێشا خوارێ و لێدە و بووکتە، ئەسکەندەر خۆی خڕکردەوە و لۆ کابرای چوو، ئێکدیان گرت و بووە هەرا، ئەمە هەموو هاتینە خوارێ و غارمان دا لێکیان کەینەوە، عەدێ بۆڕیەکی گەورەی لە ناو جێبی دەرهینا و لۆ کابرای چوو، ئەو نەیگەیشتێ و کامۆ لەوسەری ڕاهات و شەپکە دارەکی لە دەست بوو، هەتا شەپکەدار گرتی لە پشتی سەری کابرای دا و تێی تەقاند، کابرا لە زیڕژنی داو کەتە ئەو گۆڕەی!
پۆلیس و مۆلیسی خەستەخانەیی و کارمەندەکان لێمان خڕبوونەوە و بووە هەرایەک نەبیتەوە، بەدە و ئەسمەر و حەوا بەخۆ و بە کۆزە مندارەکی دابەزین، ئەو نەعلە ئیسفەنجەی لە پێیان بوو، لە دەستیان هەرکێشابوو، دەهاتن و دەچوون و دە هەزار جوونیان دەدا، دەیانگۆ وەرە شۆڕشی لۆ ئەو سەگبابانە بکە و چیا و چۆلی لۆ ئەوانە بووکتەوە، بەس بەرەبابیمە شازدە شەهیدمان دایە، هەونکەش کەونە بوعسی نایلێن ئەمە بچینە ژۆرێ!
غارمدا لۆ ژۆری مدیری خەستەخانەی، گۆتم: زوو بچم هەتا ئیشەکە گەورە نەبووە، وەکی چووم دیتم لە ژۆری مدیری هەرایە و کێکەکی گەورەیان دانایە و گۆرانی گۆتنە و کۆمەرە دختۆر و سستەر و مززەمیدەک دەستیان تێکگرتیە و هەردەپەڕن! لۆ لەبەر دەنگی گۆرانی و مۆسیقای گێت لە دەنگی کەس دەبوو، هەرکووی هەبوو سەرم لەبن گێی ئێکەکی ناو گۆتم: ئەوە چبووە؟ گۆتی: ئەتوو کارمەندی ئێرەبی کوو نازانی چبووە؟ گۆتم: کارمەند نیمە موڕاجیعم! گۆتی: ئا ئێ ئێ، ئەوە ئەوڕۆ عید میلادی جەنابی بەڕێوەبەریە، ئەوجە هەموومان لەخۆشیان هەردەپەڕین! گۆتم: ڕاستیان گۆتیە، ئێک لە مردنە و ئێک لە پێوەکردنە!
مایتی.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 582
Γράψτε το σχόλιό σας για αυτό το προϊόν!