دەقی پەیامی #مەسعود بارزانی#:
بەناوی خودای بەخشندە و میهرەبان
بەبۆنەی تێپەڕبوونی پەنجا ساڵ بەسەر دامەزراندنی یەکێتیی زانایانی ئایینی ئیسلامیی کوردستانەوە پیرۆزبایی گەرم لە ئەندامانی مەکتەبی تەنفیزی و ئەنجوومەنی ناوەندی یەکێتیی زانایان و سەرجەم مامۆستایانی ئایینی پیرۆزی ئیسلام لە کوردستان دەکەم.
پێزانینم هەیە بۆ ڕۆڵی بەرزی مامۆستایانی ئایینی لە قۆناغە جیاجیاکانی ژیانی گەلەکەمان چ لە ڕووی بڵاوکردنەوەی بیروڕای خوداناسی و قووڵترکردنەوەی فەرهەنگی پێکەوەژیان و هەروەها ڕووبەڕووبوونەوەی هزری توندڕۆیی و ئینکار لە ناو خەڵکی کوردستاندا. جگە لەوانەش ڕۆڵی مامۆستایان و گەورەزانایانی کوردی ئایینی ئیسلام لە برەودانی هزری نەتەوەیی و نیشتیمانپەروەری و قبووڵنەکردنی ستەمکاری لە مێژووی میللەتەکەماندا بەرچاو و دیارە و لەو ڕێگەیەدا قوربانیشیان داوە.
هەمیشە و لە گشت قۆناغ و تەحەددیاتەکاندا ئەو چاوەڕوانییە لە یەکێتیی زانایانی ئایینی ئیسلامیی کوردستان و سەرجەم مامۆستایان و گەورەپیاوانی ئایینی کوردستان هەیە کە لە ڕۆڵی پیرۆزی خۆیان بۆ هۆشیارکردنەوەی کۆمەڵگا و بڵاوکردنەوەی فەرهەنگی مرۆڤسالاری و میانڕەوی و قووڵترکردنەوەی هەستی نیشتیمانپەروەری بەردەوام بن.
لەم یادەدا هیوای سەرکەوتن بۆ یەکێتیی زانایانی ئایینی ئیسلامیی کوردستان دەخوازم لە ئەرک وکارەکانیاندا کە لە ژیان و چارەنووسی گەلەکەماندا ئەرک و کاری پیرۆز و کاریگەرن.
مسعود بارزانی
21ی ئەیلوولی 2020[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,549
Γράψτε το σχόλιό σας για αυτό το προϊόν!