عەدێ و مەدێ 73
پاش عەسرێ شۆڕ بوومەوە لۆ لای نووسینگەکانی عارد و ماردی، گۆتم بزانم خانیەکی بەکرێ ناگرم و ئیخۆشم بەکرێ بدەم، دەچوومە هەر نووسینگەکی دەیگۆ: وەڵلا خانی بەکرێ هەیە، بەران ساحێبی دەرێ: ئەمن بە کرێ نادەمە کوردان! نە ئێک نە دوو نە سێ! گۆتم: ئێ باشە لۆ نادەنە کوردی ئەی هاوار، قابیلە ئەمە لە فاتمە عارەبی بین! کابرا پێکەنی و گۆتی: وەڵلا مامەستا، ئێستا فاتمە عارەب دەوری هەیە، ئەوەی خانی کرێی هەبی، دەرێ هەتا عارەب هەبی نادەمە کوردی! گۆتم: توخوا ئەوە ئیشە، ئاخر شتی وا کوو دەبی؟ گۆتی: کاکی من، عارەب معاشەکەی مسۆگەرە، لەگەر سەری مانگی معاشی دەگاتە دەستی و فەوری و سەوری کرێیەکەی دەینی، بەس کوردی داماو پارەی لەکێبوو، هەتا معاشەکی دەدەنێ چاوی دەردەچی، ئەوجە هەروەها دەکەن دەرێن، بەغدا دووسەت ملیارەکەی نەنێری معاشمان پێنادرێ، دوایێ مامەستا ئەوە معاش نەما، یان بووە دوو مانگ جارەک، یان دیسان پەڕو باریان کرد، ئەتوو پارەی لەکێ دەینی بدەیە کرێی! گۆتم: ئێ باشە مەعقولە لەو شارەی خانی بەکرێ نەبی لۆ من؟ گۆتی: وەڵلا بەگێی من دەکەی مارت دەبەیە گوندەک، موجەمەعەکی، ڕەنگە لەوێ دەستت بکەوی، وەلەو لەوێش مسۆگەر نیە، بەخوای ئەوێش پڕی عارەب بووە، وەکی مێرووستانی بە جوملە زیاد دەکەن، کاکە لێرە خۆشتریان بە دەست ناکەوی!
بەناچاری شۆڕ بوومەوە لۆ نووسینەگەکانی لای سینەما کریستالی و ناو بازاڕی، برادەرەکم لەوێیە، بزانم ئەو هیممەتەکم لۆ ناکا، چوومە کنی و سەلامم لێکرد و بەینەکی قسەی خۆشمان کرد، گۆتی: ڕاوەستە با چایەکی عەننابیت لۆ بانگکەم! گۆتم: واز لە چایەی عەننابی بینە، خانیەکی بە کرێم لۆ ببینەوە، گۆتی: ئەگەر لۆ مارە خەزورانت بی، سێ چار خانی بەتارمان هەیە، ئەگەر لۆ کوردەی بۆرەی خۆشمان بی نیە! گۆتم: وەڵلا لۆ خۆمە و لۆ ماری خەزورانم نیە! گۆتی: ئەدی ئەتوو خانیت نیە، خانی بەکرێت لۆ چیە؟ گۆتم: وەڵلا برام لەبەر دەستی عەدێ و مەدێی هەردێم! گۆتی: لۆ عەدێ و مەدێ چنە؟ قاتی شەبەکە نینە و ژن و منان لە جنوب ناینن و بە ئیشیان بێخن! زۆر پێکەنیم و گۆتم: ناوەڵلا، بەران تووشی دەردی خۆم بوویمە لەگەریان، ڕۆژی دوو هەزار ڕاپۆرتم لەسەر دەنووسن، گۆتی: ئەوجە ئەتوو بەتەمای بچیە گەڕەکەکی ڕاپۆرت نووسی لێنەبی، وەڵلا مادام وەزعت وەها شڕە بەگێی برات دەکەی دەچیە فیلا ڕوسیای! گۆتم: کێندەر؟ گۆتی: فیلا ڕوسیا! گۆتم: تەڕ ناوەکەت زانی، ئەوەیە دەرێ چاکی مەکە با خراپ نەبی!
مایتی.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 621
Γράψτε το σχόλιό σας για αυτό το προϊόν!