ماچی ئاغاژن بەشەرتە شوانی حەساب ناکرێت
شەرتە شوانی و حەقە شوانی لە کۆندا بۆ ئه و کوڕیشکە بووە کە شوانی مەڕ و ماڵاتی بۆ خاوەن مێگەل کردووە، ئینجا شوانیەکەی چ وەرزێک چ ساڵێک یان تا حەوت ساڵ بێت، حەق و شەرتە شوانی جار هەبوو کاریلە و بزن و بەرخ بووە لەگەڵ جل وبەرگ و خواردن، به و دوایانەش دراو و پارەی تێکەوت، ئینجا لەماوەی شوانکارەیی تیکەڵ بوون لەگەڵ خاوەن مێگەل ڕوویدەدا، وەک یەک خێزانیان لێ دەهات و هەندێک خاوەن مێگەل وەکو کوڕی خۆیان سەیریان دەکرد و جار هەبووە کردوویانە زاوای خۆیان و کیژێکیان پێداوە، هەندێجاریش ئاغاژن دەستی لەگەڵ تێکەڵکردووە و ماچ و موچ و ڕاموسانیشی بەدواوە هاتووە، بەڵام ئەمەیان بەدەم ڕێگاوە گوڵچنین بووە و هیچ پەیوەندی بەشەرتە شوانی و حەقە شوانییەوە نەبووە، ئینجا ئەگەر شوانەکە مافەکەی خۆی تەواو پێ نەدرابوایە و ئه و حاڵەتش زووتر درک پێکرابێت وتراوە(ماچی ئاغاژن بەشەرتە شوانی حەساب ناکرێت) هاوشێوەی ئه و ئیدیۆمەش بەباریتر ووتراوە(سەد خورما و ڕوون جێگەی یەک قەرز ناگرێتەوە یان سەد هێلکەڕوون جێگەی یەک قەرز ناگرێتەوە یان سەد بەرتیل جێگەی یەک قەرز ناگرێتەوە، ماچی ئاغا ژنیش هەر وەکو ئه و خورما و ڕوون و هێلکە و ڕوونەیە، بەدیاری ئەژماردەکرێت و حەق هەر لەشوێنی خۆی دەمێنێتەوە.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,541
Γράψτε το σχόλιό σας για αυτό το προϊόν!