سەبا
هەموو کاتێ
بەدەست و پەنجەی نیگاکانی
لەژێ بەژێ ی سەنتوری دڵم دەدات و
ئاواز ڕێژم دەکات
لە بەسۆزترین
ئەو ئاوازانەی وێنەیان نیە
لەچێژ بەخشین ؟!
سەدا جار جار
لە نەرمە باران و
جار جار
لەشەستەباران و
جار جاریش
لە پەڵەهەوری
پڕ لە کڕێوەی بەفر دەچێ
بە بەردەوامی دەبارێ و
هەر چەندێ سەرنجی دەدەم
حەزم لێ یە
هەر بەم چەشنانە بیبینم و
هەروا.. هەروا
ببارێت و
پڕ لەنەشئەو ئارامیم بکا؟!
فاتح بێ لان[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 647