دەقی پەیامەکەی #نێچیرڤان بارزانی#:
لە کاتێکدا عێراق بە دۆخێکی ئاڵۆزی سياسيدا تێدەپەڕێت، بەداخەوە بڕيارێکی دادگای باڵای فيدراڵيی عيراق کە ياسای نەوت و گازی هەرێمی کوردستان بە نادەستووری دادەنێت، هەرێمی کوردستانی تووشی نيگەرانييەکی گەورە کرد.
پێمانوايە ئەم بڕيارەی دادگای باڵای فيدراڵی کە پشتی بە ياسايەکی سەردەمی ڕژێمی پێشوو بەستووە، بنەماکانی فيدراڵی و مافە دەستوورييەکانی هەرێمی کوردستانی پشتگوێ خستووە و لەگەڵ گيانی دەستوور و سيستمی فيدراڵيدا نايەتەوه، لەسەر ئەرزی واقعيش قابيلی جێبەجێکردن نابێت.
ئەم بڕيارە هەروەها کێشەکانی نێوان حکومەتی فيدراڵی عێراق و حکومەتی هەرێمی کوردستان لەسەر دۆسيەی نەوت و گاز ئاڵۆزتر دەکات کە بە درێژاييی ساڵانی ڕابردوو هەوڵی چارەسەرکردنيان دراوە و لە چەند قۆناغێکدا هەنگاوی بەره و چارەسەرکردن هەڵێناوە.
پێمانوايە دادگای باڵای فيدراڵی لە جياتی ئەم بڕيارە، دەبوايە بڕيار بدات کە حکومەتی فيدراڵی عيراق لەگەڵ حکومەتی هەرێمی کوردستان بەپێی دەستوور لەسەر کێشەکان و پرسی نەوت و گاز بگەنە چارەسەرێک کە لە بەرژەوەنديی تەواوی عێراقدا بێت.
چاوەڕوانيمان لە دادگای باڵای فيدراڵيی عێراق هەيه و داوا دەکەين پێداچوونەوە بە بڕيارەکەيدا بکات و بنەماکانی دەستوور و سيستمی فيدراڵی ڕەچاو بکات بۆ ئەوەی مافە ياسايی و دەستوورييەکانی هەرێمی کوردستان پێشێل نەکرێن و نەبنە هۆی ئاڵۆزبوونی زياتری دۆخی سياسی کە زيان بە بەرژەوەندييەکانی عێراق بەگشتی دەگەيەنێت.
نێچيرڤان بارزانی
سەرۆکی هەرێمی کوردستان
2022/2/15[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,646
Γράψτε το σχόλιό σας για αυτό το προϊόν!