راگەیەندراوێک لە دامەزراوەی کوردستان24ەوە
کاتژمێر 1ی درەنگانی شەوی 12 لەسەر 13ی ئاداری 2022، ژمارەیەک مووشەک لە نزیک باڵەخانەی سەرەکی دامەزراوەی کوردستان24 کەوتنە خوارەوە و بەهۆیەوە زیانێکی زۆر بەر باڵەخانە و ئامێر و کەلوپەلی دامەزراوەکەمان کەوت.
خۆشبەختانە لە ئاکامی ئه و ڕووداوەدا، هیچ زیانێکی گیانی بەر کارمەندان و هاووڵاتیانی نزیک باڵەخانەی کوردستان24 نەکەوتووە.
سەرەڕای زەرەر و زیانەکان، کە بووە هۆی وەستانی پەخشی کەناڵەکەمان، بۆ ماوەی چەند خولەکێک، پەخشی ڕاستەوخۆی کوردستان24 بەردەوامە و بینەران و وەرگران دڵنیا دەکەینەوە، کە بەردەوام دەبین لەسەر کار و گەیاندنی پەیامی نەتەوەیی و نیشتمانی خۆمان.
کوردستان24 بە مۆرکی نیشتمانی و نەتەوەیی ناسراوە و لێرەوە جارێکی دیکە دووپات له و پرەنسیپ و پەیامە پیشەییانەی خۆمان دەکەینەوە، کە بەردەوام کوردستان24ی پێ دەناسرێتەوە، ئەویش گەیاندنی پەیام و دەنگی کوردستانیانە.
لێرەوە سوپاسی هەموو لایەک و لایەنە پەیوەندیدارەکان دەکەین، کە چ لە ڕێگەی گەیاندنی پەیام، یان سەردانیان، لە سەلامەتی کارمەندانی کوردستان24یان پرسی.
کوردستان هەمیشە سەقامگیر و ئاوەدان بێت
بەڕێوەبەرایەتی دامەزراوەی کوردستان24[1]
#13-03-2022#
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,099
Γράψτε το σχόλιό σας για αυτό το προϊόν!