دەقی پەیامەکەی مەسعود بارزانی:
بەناوی خودای بەخشندە و میهرەبان
سووکایەتیکردن بە پیرۆزییەکان و هێما باڵاکان بە هیچ شێوەیەک قبووڵکراو نیە و بەزاندنی هێڵی سوورە و زۆر بە توندی ئیدانەی ئەو سووکایەتیە دەکەین کە شەوی ڕابردوو لە لایەن کەسێکەوە بە مەرجەعیەت کراوە. ئەو جۆرە هەڵسوکەوتە ناشیاوانە هیچ پەیوەندییان بە گەلی کوردستان و پارتی دیموکراتی کوردستانەوە نییە. کوردستان خاوەنی فەرهەنگی بەرزی پێکەوەژیانە و، سووکایەتیکردن بە ڕەمز و موقەدەساتی خەڵک لە ناو فەرهەنگی گەلی کوردستان هیچ کات جێگەی نەکردووەتەوە و جێگەی نابێتەوە. گەلی کوردستان ڕێز و پێزانینێکی زۆری بۆ مەرجەعیەت هەیە و پەیوەندیی مێژوویی و دۆستایەتی و هاوسۆزیی نێوان بارزانیی نەمر و ئایەتوڵڵا حەکیم و شەهید سەدر گەواهیە بۆ ئەو پەیوەندیی و دۆستایەتیە دێرینە. ئەو کەسەش کە سووکایەتی کردووە لە لایەن یاساوە گیراوە و سزای تاوان و زێدەڕۆیی خۆی دەداتەوە.
هەروەها زۆر بە توندی ئیدانەی سووتاندنی بارەگای پارتی دیموکراتی کوردستان لە بەغدا دەکەین کە ئەوە بۆ دووەمین جارە لە لایەن کۆمەڵێک تێکدەر و شکستخواردوو ئەنجام دەدرێت و ئەمە بەڵگەیە لەسەر بوونی پاشاگەردانی و نەبوونی سەقامگیری و ئاسایش و لە ڕاستیدا ئەو گرووپانەش جگە لە خەراپەکاری و تێکدان و ئاژاوە هیچی تریان لەدەست نەهاتووە.
مسعود بارزانی
28ی ئاداری 2021[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 882
Γράψτε το σχόλιό σας για αυτό το προϊόν!