قالۆچەش لە چاوی دایکیەوە شیرینە
قالۆچە، قۆلانچە و قالۆنچەشی پێ دەوترێت، یەکێکە لە مێروە سوود بەخشەکان بۆ بەرووبومە کشتوکاڵیەکان، بەڵام ڕەنگ و شێوەی زۆر ناشیرینه، لەکاتی ترس بۆ دوژمنەکانی بۆنێکی ناخۆشیش فڕێ دەدات، ئەوانەی بەریەککەوتنیان لە گەڵیدا هەبوو بێت، بەتایبەت کاتێک دەستیان لێداوە و بۆ لوتیان بردووە، هەستیان به و بۆنە کردووه، شێوەی قالۆنچەش بە زریپۆش دەچێت و ڕەنگێکی ڕەشی تۆخی هەیە، دڵی مرۆڤ ناکاتەوە وەکو مێروەکانی پەپولە و خاڵخاڵۆکە و کۆپتەر و ئاوڕۆشنکەرە، بۆیە ناشیرینەیەکەی کراوە بە ئیدیۆم وەکو چۆن دڕکی ژوژک کراوە بەهێمانی نەرمی بۆ دایکەکەیی و کراوە بە ئیدیۆم و وتراوە: ژوژک دەڵێت: بێچووی من لە هەموو بێچوویەک نەرمترە، بەهەمان شێوەش وتراوە: قالۆچەش لە چاوی دایکیەوە شیرینە، واتە هەموو دایکێک بێچوەکەی خۆی خۆش دەوێت و پێی وایە لە منداڵی هەموو خەڵک جوانترە.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,318
Γράψτε το σχόλιό σας για αυτό το προϊόν!