ئەخلاق لەگەڵ شیری دێ و لەگەڵ مەرگی دەڕوا
ئەخلاق ئاکار و خووی مرۆڤ دەگرێتەوە، بەگوێرەی کۆمەڵگا و جیاوازی شارستانیەتەوه، پێناسە و چەمکەکەی دەگۆڕێت، لە کوردەواریدا ڕەوشتی چاک و کردەوەی باش و مێخاسی و مێرخاسی و جوامێری و نابدەیی و سەخاوەت و خاوەن هەڵوێست و قسە و گوفتار و بوێر و شاهێدی بە حەقدان و درۆ نەکردن و داوێن پاکی و پاکیزەیی...تاد، هەموو ئەوانەی هەڵگری ئه و خاسیەتانەن بە ئاکار بەرز و بە ئەخلاق ناودەبرێن، لەبەر ئەوەی دایک قوتابخانەی یەکەمی گۆشکردنی مرۆڤە و لەگەڵ لەدایکبوون و فرچک گرتن و شیر پێدانی کۆرپەڵە ئه و خوونەریت و ڕەفتارانە وردە وردە نەش و نما دەکات و بۆ هەر کارێکی باش دەوترێت: ڕەحمەت لەشیرت یان شیری پاکی خواردووە، هەندێجاریش دایک بۆ خراپی هەڵس و کەوتی مناڵەکانی بە توڕەییەوە دەڵێت: ئه و شیرەتان لێ حەڕام بێت، بەمەبەستی دوور کەوتنەوە لەکاری خراپە و نابەجێ، بەشێوەیەکی تریش وتراوە: خویەک بیگری بەشیری تەرکی ناکەی تاپیری، لێرەدا شیری دایک بووە بە بنەمای پەروەردە و دروستبوونی کەسایەتی مناڵ و مرۆڤ، چونکە ئه و خووەی لە مناڵیەوە فێری بیت تا مردن و مەرگ ناتوانرێت وازی لێ بهێنرێت، بۆیە بە ڕێنوینی و بۆ ناساندن دەوترێت: ئەخلاق لەگەڵ شیری دێ و لەگەڵ مەرگی دەڕوا.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 1,266
Γράψτε το σχόλιό σας για αυτό το προϊόν!