سوڕناتک بردی
(سوڕناتک گیایەکی ڕەنگ سورباوە، لە وەرد و پەڕێزان شین دەبێت، مێگەلە بزن بە گیسک و بزنەوە زۆر قاندڕین، چونکە تامی سوێری دەدات، ئه و بزن و گیسکانەی کە ڕەنگیان(سپی و مس و دوڕە)بن، ئەوا دەم و چاویان زووتر لە بزنە ڕەشەکان دەسوتێنیت و زۆر بە ئازارە و برینیش دروست دەکات لە لموز و دەم و قەپۆزیان، تا ڕادەی دەگاتە کوێر بوونیان، بەستەزمانەی ناشزانێت هۆکار ئه و گیایە و هەر دەشیخوات، خاوەن مەڕوماڵاتەکە دەزانن و ئه و زەوییانەی کە ئه و ڕووەکەی لێ یە مەڕوماڵاتەکەی نابەنێ بۆ لەوەڕاندن، شوانەکانیش وەکو نزا بەکاری دەهێنن کاتێک لە بزن و مەڕەکان نیگەران دەبن دەڵێن: هڕە سوڕناتک بتبات، ئه و حاڵەتە بۆ مرۆڤیش بەکاردێت ئه و کوڕ و کچانەی کە سوور و سپین بەهۆی بەرخۆر و تیشکی هەتاوەوە توێژاڵێک لە دەم و چاویان بەتایبەت لچ و لێویان پەیدا دەبێت بە گاڵتە و تەوسەوە پێان دەوترێت: سوڕناتک بردی.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 384