کیژی خەم
لە کتێبی: #گوناه#
بەرهەمی: #عەلی حەسەنیانی#
کیژێک، بێناوێک،
خەم لێ هاڵاوێک،
بووکی چارەڕەش،
لە ژیان بێبەش،
زەردەی خەزەڵوەر،
سروودی ڕۆژپەڕ،
دوو چاوی کەژاڵ،
وەک بادەی خەیاڵ:
مەستن، مەست ئەکەن
دڵ پڕ هەست ئەکەن
کەزیە: باری شان،
لەش: زیندانی گیان،
لێو: خونچەی ژاکاو
بەستەی نەوتراو
خۆی: ڕەنگی بێڕەنگ
بێهەست و بێدەنگ،
ئاواتی مردوو
بۆنی بابردوو،
بڵێسەی بێتین،
دواهەناسەی ژین،
چاوەڕێی نەمان
کەوتن، هەڵنەستان
1966 - #مەهاباد# [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 292