(مەمی ئالان) بە هۆرامی کە میرزای لوڕستانی دۆروبەرو ساڵۊ 1850 پېڎاییە داستانەکېش نۋیستېنە و چە 975 بەیتا پېکئامێنە، کە بەراۋرڎ چنی (مەم و زین)و خانی 1725 بەیتېش کەمتېنۍ.[1]
میرزای لوڕستانی بە هۆرامی کە زۋانو ئەدەبیاتو وەرکۆت و پانیستو کورڎەسانی بېیەن، بە سەلېقەو وېش و پاجۊرە کە وېش بە گرنگش زانان، بە ڕەنگ و بۊۋېۋی تایبەت چنی پارېزنای گۆهەرە بۆتانییەکەیش داستانەکېش چە قاڵبېۋی هۊنیاینە نېیێنەراۋە..
بەداخۆ، تاکو ئی ساتۍ چەبارەو یاگۊ پېڎابېیەی و ژیۋای و مەرڎەی و تەنانەت ڕۇخسارو (میرزای لوڕستانی هیچ زانیارییېۋ ۋەردەس نېیا.
چە بارەو کتېبەکەیش هەر ئاڼە مزانمۍ، کە نۇسخە دەسنۋیسەکەش چە کتېبخانەی نەتەۋەیی ئاڵمانیای چە بەرلین پاڕېزیان و چی ساڵا دمایینە سدېق بابایی پەی سەرو ڕانۋیسی کورڎیی-هۆرامی ئاۋرڎەن و ساڵۊ 2018ی پېڎایی چە ئاڵمانیا چە 286 لاپەڕېنە چاپ کریان، ۋەڵاگاو (گۆتە و حافز)ی ۋەڵاکەرڎەنۆ.هەمان ساڵەنە چە شارو کۆڵنو ئاڵمانیای سدېق بابایی چە کۆڕېۋۍ تاییبەتەنە کتېبەکەی بە وەنەرە کورڎیی-زۋانەکا ئا وڵاتەیە مژناسنۊ.[2]
دماو دۋۍ ساڵا چە ۋەڵابېیەی ئاماڎەکارییەکەو سدېق بابایی، ساڵۊ 2020 جارېۋتەر نامېق هۆرامی بە سەلېقەو وېش چە پانیشتو کورڎەسانی داستانۊ (مەمی ئالان)ی بە بەراۋرڎکەرڎەی یەرۍ دەسنیۋیسا، (مەم و زین بە هۆرامی) چاپ و ۋەڵاکەرۊۋە.
[3]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 1,775
Γράψτε το σχόλιό σας για αυτό το προϊόν!