$دەسبەتاڵی سیاسی کوردی لەسەر مێز$
#ئیدریس مستەفا#
پێرێکە هەردوو سەرۆکایەتیەکەی هەرێم لە ئەڵمانیا لە پەراوێزی کۆنفرانسی ئاساییشی نێونەتەوەیی میونیخ لەگەڵ سکرتێری گشتی نەتەوە یەکگرتووەکان دانیشتن وەک لە وێنەکەدا دیارە. وەک هاووڵاتیەکی کورد و خەمخۆرێکی سیاسی بۆ ئەو وڵاتە دوو سێ شت دەلێم لەسەر ئەو وێنەیە چونکە من خۆم بە سیاسی دادەنێم و حەز دەکەم و دەشمەوێ سیاسەت کردن لەو وڵاتە جێ کەوتەبێ جا ئەو سیاسەتکردنە چەندە و چۆنە ئاڕاستەکەی چییە ئەوە باسێکی ترە؛ چونکە کە سیاسەت هەبوو دەکرێ قسەی سیاسی بکرێ و ژوورێکێش بۆ باس و خواس هەبێ هەرچەندە جیاوازیەکان وەک ئاسمان و ڕێسمان بن.
بەهەرحاڵ، ....
ئەمە چەندەمین جارە دەبینین کە بەرپرس و سەرکردە دەسەڵاتداریەکانی کوردی کاتێک لەگەڵ نوێنەرانی وڵاتێک یان دەزگایەکی جیهانی دادەنیشن دەستیان بەتاڵە و هیچ کاغەز و قەڵەمێکیان لەبەردەستدا نییە لە کاتێکدا ئەوانەی بەرانبەریان پڕ کاغەز و قەڵەم بەدەستن و تێبینی و خاڵەکانی دانێشتەکە دەنووسنەوە. ئەوەی سەیرە، میدیاکانیان لە کوردستان دەڵێن باس و خواسێکی چڕ و پڕیان کرد و تەوەرەکانی گفتوگۆکان بریتی بوون لە دۆخی ناوچەکە و ئاڵوگۆڕەکانی دەوروبەر و ڕووداوە پێشهاتەکان و ترسی داعش و مەسەلەی پەنابەری و ..... هتد. باشە دەکرێ ئەم هەموو تەوەرانە هەر ئاوها بە زارەکی باس بکرێن، ئەگەر وایە ئەی بۆ هەمیشە ئەوانی بەرانبەریان تۆماری خاڵەکانی گفتوگۆکان دەکەن؟
ئەم وێنەیە ئەوەمان پێ دەڵێ کە بەرپرس و سەرکردەی کورد نەک هەر سیاسی نین بەڵکوو نازانن سیاسەت بکەن، هۆکارەکەش ئەوەیە کە ئەرک و کاریان سیاسەت کردن نییە بەڵکوو دەسەڵاتدارێتیە و هەرچەندە شەهادەی سیاسیەتیان پێ بێ و مەکتەب سیاسی و ئۆرگانەکانی تر هەبن ئەوا تەنیا شکڵیە و دەوری دیوەخانێک دەبینن؛ ئەگەرنا، لەگەڵ کەسی یەکەمی گەورەترین ڕێکخراوی جیهانی دابنیشی کە سکرتێری گشتی نەتەوە یەکگرتووەکانە دەبێ ئاوها بێ خەم و دەم بە خەندە و بە دەستی خاڵی دابنیشی. سیاسەت و دەسەڵاتدارێتی دوو شتی جیاوازن. دەسەڵاتدارێتی لە پێش سیاسەتەوە هەبووە و سیاسەت زانستێکە بۆ بەڕێوەبردنی دەسەڵاتێکی شاری و وڵاتی و دەوڵەتی هاتە ئاراوە و کرۆکی هەبوونی سیاسەتیش بەڕێوەبردنی ئەو شتانەیە. هەر کاتێک ئەو شتانە وێڵ کران و وەلانران یاخود بوونیان نەبوو لە کارنامەی دەسەڵاتێکدا ئەوا ئەو دەسەڵاتە خاڵیە لە چەمکی میللەت و نەتەوە و نیشتمان و خەمی وڵات و خەڵک. لێرەدا دەکری ئەوە بڵێێن گەر ئەوانە ڕاوێژکاری سیاسیان هەیە، ئەی ئەو ڕاوێژکارانە لە کوێن و ئیشیان چییە! ئایا گوێیان لێ ڕادەگیرێت یان ڕاوێژکارەکانیش هزری سیاسیان هەر ئەوەندە بڕ دەکات. [1]
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 501
Γράψτε το σχόλιό σας για αυτό το προϊόν!