#ئاڵا تاڵەبانی# ئەندامی دەرکراوی سەرکردایەتی #یەکێتیی نیشتمانی کوردستان# وەسفی #قاسم سلێمانی# فەرماندەی پێشووی سوپای قودسی ئێرانی کرد و ڕەخنەشی لەوانە گرت، ڕۆڵی ئەو لەبەرچاو ناگرن.
ئاڵا تاڵەبانی لەمیانی لێدوانێکی ڕایگەیاند، قاسم سلێمانی دڵسۆزی هەموو ئێڕاقییەکان بوو، هەمیشە دەیویست سەقامگیری سیاسی لە وڵات درووست بکات، هەر ئەوەش بوو وایکرد بوو ببێتە کەسێکی نزیک لە مام #جەلال تاڵەبانی# سەرۆک کۆماری پێشووتری ئێڕاق.
ئاڵا تاڵەبانی ڕاشیگەیاند، قاسم سلێمانی ڕۆڵی گەورەی هەبوو لە ئاشتەوایی نێوان پێکهاتەکانی ئێڕاق، بەتایبەتی لەنێوان کورد و شیعە لە لایەک و سوننە و شیعە لە لایەکی تر، هاوکات ڕەخنەی لەوانەش گرت، کە ڕۆژانێک قاسم سلێمانی پشتگیری دەکردن، بەڵام ئێستا ئەویان لەبیر کردووە.
هەروەها باسی لە ڕۆڵی قاسم سلێمانی لە ڕووی سەربازییەوە کردووە و جەختیشی کردووەتەوە، کە ناوبراو زۆر پشتگیری پێشمەرگەی کردووە و تەنانەت کاری کردووە بۆ ئەوەی لە بودجەی گشتی ئێڕاق پشکی پێشمەرگە دیاری بکرێت. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 986
Γράψτε το σχόλιό σας για αυτό το προϊόν!