سیناریۆیەک دابڕێژن کە ڕێی تێبچێ
#لەتیف مستەفا ئەمین# شارەزای یاسای دەستووری و ئەندامی پێشووتری پەڕڵەمانی ئێراق لەبارەی بڵاوکردنەوەی دانپێدانانی چەند کەس لە لایەن هێزە ئەمنییەکانی پارتییەوە کە نیازی تەقینەوەیان هەبووە لە چەند ناوچەیەکی هەرێم نووسیویەتی: سیناریۆیەک دابڕێژن کە ڕێی تێبچێ، ئاخر ھەموو جیھان شایەتە #پەکەکە# خۆی برا ئێزدیەکانی پاراست و فریایان کەوت کاتێک ھەموان بەجێیان ھێشتن
نووسیویشیەتی: جگە لەوە پەکەکە دوژمنە ھەرە سەرسەختەکانی کورد شایەتی بۆ دەدەن کە ئەو کاری ترسنۆکانە ئەنجام نادات و مەدەنیەکان ناکاتە ئامانج .
لەو ڕووەوە ئاماژەی بەوەکردووە: بیرمانە لە ساڵانی 2014 و 2015 دا کە کۆمەڵێک شوێنی مەدەنی لەناو ئەستەنبوڵ و شارەکانی تری تورکیا کرانە ئامانج و هاووڵاتی مەدەنی شەھید بوون، پەنجەی تۆمەتیان بۆ پەکەکە ڕاکێشا بەڵام ھەر زوو لە ناوخۆی تورکیاش و لەدەرەوەش وتیان ئەوە کاری پەکەکە نییە لە کردەوەی ئەوان ناچێت، چونکە ئەوان تەنھا ھێرش دەکەنە سەر ئامانجی سەربازی و ئەمنی نەک مەدەنی، دوایش دەرکەوت کە کاری ڕێکخراوە تیرۆریستیەکانن.
لە کۆتاییشدا نووسیویەتی: بەتۆمەتبار کردن و سوک کردنی کورد خۆشتان زیاتر سوک دەبن و تەنھا دوژمنان سوودی لێ دەبینن. [1]
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 530
Γράψτε το σχόλιό σας για αυτό το προϊόν!