بە زمانی خۆم چێم کرد بەخۆم.
لەسەر ئەم پەندە پیشوان دەڵێن: جۆڵایەک ژنێکی جوانی ئەبێ، بەوبۆنەیەوە سەر و دڵی زۆر خۆش ئەبێ و هەمیشە بەدەم کارەوە گۆرانی دەڵێ، ڕۆژێک ئاغا بەبەر ماڵی جۆڵادا ئەڕوا و گوێی لە گۆرانییەکی زۆر بە جەخت ئەبێ، دەچێتە ژوورە و لە جۆڵا دەپرسێ: بۆچی ئەوەندە دڵی خۆشە؟ جۆڵا دەڵێ: لەسایەی سەری ئاغاوە، کارم هەیە، ژنی جوانم هەیە، ئەگەر دڵخۆش نەبن خوا ئەمگرێ، لەو کاتەدا ژنەکەی دێ بەسەردا و ئاغا چاوی پێی ئەکەوێ، کاتێک ئاغا ئەڕواتەوە بۆ ماڵەوە، دەنێرێ بەدوای جۆلا و ژنەکەیدا، ئەمانیش بە ناچاری دەچن، ئاغا دەڵێ: ژنەکەی من مردووە، جۆڵا ژنەکەی تۆم پێویستە و بۆ من باشە، ژنەکەت تەڵاق بدە! بچۆ ژنێکی تر بهێنە، هەموو خەرجییکەی دەدەم، جۆڵا بە ناچاری ژنەکەی بۆ تەڵاقدەدا و دەڕواتەوە، دەڵێ: بە زمانی خۆم چیم کرد بەخۆم. جارێکی تر ئاغا بە بەردەمی ماڵی جۆڵادا دەڕواتەوە، تەماشا دەکات ماڵ کشوماتە و دەنگی لێوەنایەت کە دەچێتە ژوورەوە، تەماشا دەکات کابرای جۆڵا کەوتووە و بۆ تەنیایی خۆی دەگری، ئاغا بەزەیی پێیدادێتەوە و دەیباتەوە ماڵەوە و تەنیا کچەکەی دەداتێ، لە پاش ماوەیەکی کەم ئاغاش دەمرێ، هەرچی دارایی هەیە دەمێنێتەوە بۆ جۆڵا و ژنی جۆڵا، ئینجا کابرای جۆڵا دەڵێ: (ئەگەر وانەبوایە، وانەدەبوو) . [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 686