ناڤ: عەلائەدین
ناسناڤ: سەجادی
ناڤێ بابێ: نەجمەدین
ڕۆژا ژ دایکبوونێ: 1907ز
ڕۆژا مرنێ: #13-12-1984#
جهێ ژ دایکبوونێ: گوندێ باراوی - #سلێمانی#
جهێ مرنێ: گۆڕستانا شێخ عەبدولقادرێ گەیلانی - بەغداد
$ژیاننامە$
عەلائەددین سەججادی (1907–1984) نڤیسکار و ڕۆژنامەڤانێ هەڤچەرخێ کورد بوو، ناڤێ وی یێ تەواو «عەلائەددین نەجمەدین حیسامەددین» ە. ل گۆڕ ناسنامەیا وی یا نیشتمانی، ل ساڵا 1907 ل گوندێ «باراوی» نزیک گوندێ «بەرزنجە»یێ ژدایکبوویە. لێ بەشەک ژ ژێدەران جهێ ژدایکبوونا وی تاخا «قەتارچیان»ا باژارێ #سنە# دەستنیشان دکەن. سێ ساڵان ل ڕەواندزێ و باڵەکێ خواندنییە و بۆ تمامکرنا خواندنا ئایینی ساڵا 1923 هاتییە سلێمانیێ و ل مزگەوتا حاجی مەلا ڕەسوڵێ دێلێژەیی بوویە فەقی. ل ساڵا 1938 ئیجازەیا مەلاتیێ ل شێخ بابە عەلی تەکی وەرگرتییە و بەرا خوە دایە باژارێ بەغدادێ ل مزگەوتا نەعیمە خاتوونێ، ل تاخا بناڤودەنگێ مەیدانێ وەک پێشنوێژکەرێ مزگەوتێ دهێتە دامەزراندن. ل گۆڤارا گەلاوێژدا هەتا ساڵا 1949 دووەم کەسێ گۆڤارێ بوویە و هەر وەسا ل یانەیا سەرکەوتنێ دەور و ڕۆڵەک گرنگ گێڕایە. پشتی کودەتایا سەربازییا 14ێ تەمموزا 1958 ل بەغدادێ، ل ساڵا 1959 حەتا ساڵا 1974 ل کۆلێژا ئادابا زانۆکیا بەغدایێ مامۆستایێ ئەدەب و مێژوویا ئەدەبا کوردی بوویە. ل ساڵا 1972 بوویە ئەندامێ کارا یێ کۆڕا زانیارا کورد. هەر ل وی ساڵێدا کو بەیانا 11ێ ئازارا 1970 سەر نەگرت و ناڤبەرا دەسهەڵاتا بەغدا و ڕاپەڕینا نیشتمانی یا کورد خرا بوو، سەجادی ل ساڵا 1974 ب پلەیا وەزیری دبیتە ئەمیندارێ گشتی یێ ئەوقافێ، ل ناوچەیا ئۆتۆنۆمیا کوردستانا باشوور ل هەڤلێرێ. سەجادی ژ لایەکێ ڤە ب وی ئەرکی دلخوەش بوو؛ ژ بەرکو مفایەک دارایی هەبوو بۆ وی، ئو ژ لایەکێ ڤە پێ نەخوەش بوو، چونکی ئەڤ دەسهەڵاتا ئەڤ کارە ڕاسپاردی وی کری، ل دژی کورد و بزاڤا شۆڕەشا ئەیلوولا 1961ێ بوو. هەر چاوا بیت سەجادی حەتا ساڵا 1977 ل وی پۆستێدا ما و پاشێ هاتە خانەنشین کرن. سەجادی پشتی کو تێ خانەنشین کرن، ڤەدگەریتە بەغدادێ و مژولی پڕۆژە و بەرنامەیێن خوە دبیت کو ل تایبەت بوون ب ئەدەبا کوردی. کوشتنا کوڕێ وی یێ مەزن ل شەڕێ ئیران و عیراقێدا (1980 ― 1988) باندۆر و کاریگەرییەک گەلەک مەزن ل سەر وی چێ دکە و دبیتە هۆکارێ هندێ کو ڤەکۆلین و نڤێسینێن وی کێم و کێمتر ببن، حەتا ڕۆژا 13ێ کانوونا ئێکەما ساڵا 1984 ل بەغدایێ کۆچا داوی دکەت و ل گۆڕستانا شێخ عەبدولقادرێ گەیلانی دهێتە ڤەشارتن.
$بەرهەمێن وی$
1. مێژووی ئەدەبی کوردی، (1952) و (چاپا دوویێ 1971).
2. ناوی کوردی، (1953).
3. ڕشتەی مرواری، بەرگێ ئێکێ، (1957) و (چاپا دوویێ 1999)و (چاپا سێیێ 2005)
4. ڕشتەی مرواری، بەرگێ دوویێ، (1957) و (چاپا دوویێ 1999)و (چاپا سێیێ 2005).
5. ڕشتەی مرواری، بەرگێ سێیێ، (1958) و (چاپا دوویێ 1999)و (چاپا سێیێ 2005).
6. ڕشتەی مرواری، بەرگێ چارێ، (1968) و (چاپا دوویێ 1999)و (چاپا سێیێ 2005).
7. ڕشتەی مرواری، بەرگێ پێنجێ، (1972) و (چاپا دوویێ 1999)و (چاپا سێیێ2005).
8. ڕشتەی مرواری، بەرگێ شەشێ، (1979) و (چاپا دوویێ 1999)و (چاپا سێیێ 2005).
9. ڕشتەی مرواری، بەرگێ حەفتێ، (1980) و (چاپا دوویێ 1999)و (چاپا سێیێ 2005).
10. ڕشتەی مرواری، بەرگێ هەشتێ، (1983) و (چاپا دوویێ 1999)و (چاپا سێیێ 2005).
11. گەشتێک لەکوردستاندا، (1956).
12. شۆڕشەکانی کورد (1959) و (چاپا دوویێ 2005).
13. هەمیشە بەهار (1960).
14. دەستوورو فەرهەنگی زمانی کوردی، (1961).
15. ئەدەبی کوردی و لێکۆڵینەوەی ئەدەبی کوردی، (1968).
16. نرخ شناسی، (1970).
17. دوو چامەکەی نالی و سالم، (1973).
18. کوردەواری، (1974).
19. دەقەکانی ئەدەبی کوردی (1978).
20. خۆشخوانی، (1978). [1]