ناڤ: لەیلا
ناسناڤ: لەیلا فەریقی
ساڵا ژ دایکبوونێ: 1975
جهێ ژ دایکبوونێ: مەریوان
$ژیاننامە$
لەیلا فەریقی هونەرمەندەکە سترانبێژا کوردە کو ل ساڵا 1975 ل باژێڕۆکێ #مەریوان# یا #روژهەڵاتا کوردستان#ێ ژدایک بوویە و خوشکا هونەرمەندا وەغەر کری #مەرزییە فەریقی#یە. لەیلا دڤی دەمەیدا ل وڵاتێ سوید دژیت.
د ژیێ زاروکیێدە لەلیلایێ باڤێ خوە ژدەست دایە کو ب نەخوەشییا پەنجەشێرە کەتبوو، دایکا وێژی د شەڕێ ئیران و ئیراقێدە ب سەدەما بوردومانا فروکان گیانێ خوە ژدەست دایە.
پشتڕە ژبو بەردەوامییا ژیانا خوە دێچنە دگەل برێ خوە بژین دێ بەرەف باژێڕێ #سنە# بچن هەر لوێڕێ ژبو خوەندنا سەرەتایی د ناڤێ خوە ل قوتابخانێ قەیت بکەت، پشتڕە د ساڵا 1991ئان دە دێ بەرەف وڵاتێ سوید کوچ بکەت و ژ ئەگەرا دەنگ خوەشییا وێ هێدی هێدی دێچیتە ناڤا دونیایا هونەریدە، د دەستپێکێ دە ب سترانێن هونەرمەند وەغەرکری #تایەر توفیق# دەست ب سترانان دکەت، ئێکەم ئەلبووما خوە یا سترانان بناڤێ ئەستێرە د ساڵا 1997ئان دە ل سویدێ دێ بەلاڤ بکەت، پشتڕە ل ساڵا 2000ێ دە بە ئالیکارییا کۆمپانیایا Sky Vision Production ل سویدێ ئەلبوما سیاچەمەنە دێ تومار و بەلاڤ بکەت و پشتڕە ب ئالیکاری و سپۆنسەرییا هەمان کۆمپانیایێ ل ساڵا 2002 دێ ئەلبووما ئەوین و ئازار بەلاڤ بکەت، پشتڕە ل ساڵا 2007ێ و پشتی وەغەرا داوییا خوەشکا خوە مەرزییە فەریقی ئەلبوما گوێم لێگرن بەلاف کر کو ئێک ژ ب پیت ترین و پڕ فروشترین ئەلبوومێن لەیلا فەریقییە کوو د ڤێ ئەلبوومێ دا لەیلایێ سترانەک دگەل هونەرمەندێ بەرنیاسێ مسڕی عەلی حەجاز ب زمانێ کوردی و عەڕەبی تومار کرییە، ئەڤ سترانە بوویە سەدەمێ هندێ کوو لەیلا دناڤ عەڕەباندا ژی ناڤ و بانگەک بدەست خوەڤە بینیتن، لەیلا فەریقی دناڤا فارسان ژیک ناڤبانگێ خوە هەیە و سترانێن وێ د کەنالێن میوزیکێن فارسی دە دێهێنە بالاڤ کرن. پشتی بێدەنگییەکە درێژ ل ساڵا 2017 جارەک دن لەیلا فەریقی ب سترانا منیش لێرەم لسەر شاشەیێن تەلەفزیونا دەرکەت و هەر دوێ ساڵێ دە ئەلبوومەکە تازە بناڤێ Echoes of the past بەلاڤ کر.[1]