نامۍ: کامەران
نازنام: کاروان ئاکرەیی
نامۊ تاتەی: سەعید
نامۊ ئەڎێ: جەمیلە
ڕۊ پېڎابېیەی: #29-12-1982#
یاگۊ پېڎابېیەی: #نەغەدە - وەرکۆتو کورڎەسانی#
$ژیۋاینامە$
کامەران سەعید شوکری، ڕۊو 29-12-1982 چە شارو نەغەدەی سەر بە پارېزگاو ئازەربایجانی وەرنیشتو وەرکۆتو کورڎەسانی دلۍ بنەماڵېۋی کورڎپەروەرینە پېڎابېیەن. قۊناخەکۍ سەرەتایی و مېیانیی و ئاماڎەییش چە بەشۊ زانستینە چا شارەنە تەمامنێنۍ و دماتەر چە تەمەنو 20 ساڵینە (ساڵۊ 2002) پەی نشینگاو ۋەڵیناو وېش گېڵانۆ و پېسەو گرڎ وانیارېۋی فۆرمو زانکۊیش پەڕکەرڎەنۆ و نامېش چە زانکۊو سەڵاحەددین – هۆلېر،، چە کۆلێجو پەروەرڎەی بەشو زانستو کۆمپیوتەری ئامێنۆ. ساڵۍ یەکەمو وانای زانکۊینە بەمەڵامەتېۋی تاییبەت نەتاۋانش درېژە بە وەنەی بڎۊ و پەی وەرکۆتو کورڎەسانی گېڵانۆ و دماو ساڵېۋی جارېۋتەر پەی هەرېمو کورڎەسانی گلانۆ و چە زانکۊنە وەنەیش دەسپنەکەرڎنۆ. ئاڎ بە مەڵامەتو نالەباریی دۊخو ئابوورییش، ناچار بۊ، کە هامکات چنی وەنەی، چا یاگېنە پېسەو هەڵەچنی و هەواڵ-ئاماڎەکەڎەی بەرڎەۋام بۊ. دماو 2 ساڵا بنەماڵەکەیچش پەی پانیشتو کورڎەسانی گېڵۊۋە و چە شارەکڵەو (پیرمام)ی سەر بە پارێزگاو هۆلېری نیشتەجێ با. ساڵۊ 2008 قۊناخۊ زانکۊیش تەمامنێنە و پېسەو فەرمانبەری چە (بانکو سەربەن)و (پیرمام)ی و هامکات چە بەشۊ پەڕیانەو کورڎەسان-تیڤی پېسەو نۋیسەری و هەواڵئاماڎەکەری هەرمانەش کەرڎینە. دواتر چە ساڵی 2010 گواستراوەتەوە کۆلێجو پەرۋەرڎەی زانکۊو سەڵاحەددین - هۆلېر و چە بەشۊ کتېخانەو ئا کۆلېجەیە پېسەو یاگەگیرو ڕاۋەبەرو کتېخانەی هەرمانەش کەرڎېنە. دماو 4 ساڵا خزمەتکەرڎی چا بەشېنە پەی بەشۊ زانستو کۆمپیوتەری فاڕیۊۋە. ساڵۊ 2010 چنی #سارا سەردار# ژیۋای هامسەرانەش پېکئاۋرڎەن. ئېسەیچ 2023 چە کۆلێجو پەرۋەرڎەینە پېسەو ۋەرپەرسو پەڕیانەو ئا کۆلێجەینە و مامۊساو بوارو کۆمپیوتەری هەرمانە کەرۊ.
[1]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 721
Γράψτε το σχόλιό σας για αυτό το προϊόν!