ناڤ: ساڵیحە
ناڤێ باب: میرزا مەناف
$ژیاننامە$
ساڵیحەیا میرزا مەنافێ #شکاک# هەڤژینا وەفادار یا شەهیدێ نەمر خەیروڵڵا عەبدولکەریم ئێکەک ژ ئەفسەرێن کۆمارا کوردستانێ کو هەر ل سەردەما کومارێ دە و ل باژێڕێ #شنو# یا #ڕوژهەڵاتێ کوردستان#ێ ئێکدوو دبینن و هەر ل وێرێش ژیانا هەڤژینیێ پێک دئینن و بتنێ دکارن چەند مەهەکان پێکڤە بژین و خوەشیێ ل بەخت و عەشق و هەڤژینیا خوە ببینن، ل ڕاستی دیروک و خەباتا ژنان ل کوردستانێ دە وەکە شوڕەش و بەرخوەدانا گەلێن دن یێن جیهانێ دیروکەکە دیار و پڕشنگدارە، خانما ساڵیحە میرزا مەنافێ شکاک ل ساڵا 1947یا زائینی کوو زەڵامێ وێ بدەستێ دوژمن و نەیارێن گەلێ کورد دهێتە شەهید کرن و هەیا ساڵا 2001ێ کو ساڵا ماڵئاڤاهیا وێ بخوە بوو ل ژیانێ کوو دکەتە پتر ل 50 ساڵان، ب فیداکاری و کوردانە و مەردانە لسەر ڕێبازا پاک و جوان یا زەڵامێ خوە بتەنێ ژیا و بەرانبەری داگیرکەران هەردەم بەرگری ل مافێ ڕەوایێ نەتەوەیێ کورد کرییە و بەلا خوە ل خۆشیێن ژیانێ ڤەکر و ل دوماهیکێ دە ب سەرفیرازی و فەخرڤە ل تەنشت زەڵامێ ژیانا خوە شەهیدێ نەمر خەیروڵڵا عەبدولکەریم ل تاخا تەیڕاوەیا باژێڕێ #هەڤلێر#ێ هاتە بخاک سپاردن و هەنووکە ژبو بەرز و پیروز ڕاگرتنا ناڤێ ڤێ شێرەژنێ پەیکەرەک ل بازاڕێ داون تاون یێ باژێڕێ هەڤلێرێ هاتیە درووست کرن، ڕووح و یادا وێ شاد و هەرمان بتن، بڕاستی ئەڤ سەرگوزەشتە ژێهاتی هندێ یە کوو ب سەدان ڕۆمان و چیرۆکان ژبو جیهانێ بهێتە نڤیسین داکوو بزانن کورد چ ملتەکن و چ دیروکەکە قەهرەمانانە و پڕی سەربلندییان هەیه، نامرن ئەوێن کوو د دڵێ ملەتی دە دژین، دوو وێنەیێن نەدیتی ل نەمر شەهید خەیروڵڵا عەبدولکەریم و خانما ساڵیحەیا میرزا مەنافێ شکاک ل ئەڕشیڤا کەسی یا #موحیب مەهابادی# پێشکەشی هەڤال و دڵسوزێن کورد و کوردستانێ هاتییە کرن .[1]
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 292
Γράψτε το σχόλιό σας για αυτό το προϊόν!