ئێک ژ ئافرەتێن ناڤدار یا ناوچەیا لوڕستانە کوو ڕابەرایەتیا شۆڕەش پشتکۆیێ کرییە. خوەدییا سوپایەکێ مەزن و هەژی و پڕ چەک بییە، هەروەکە هندێ کوو ب خوە خوەدییا بیر و باوەڕەکە پاک و بێگەرد بوویە. هەوڵا هنێ دایە کو ل هەمبەری ئازادی و سەربەستیا نەتەوێ کورد دە هەمی گیان فیداییان بکەتن، ڕەزا شا، دەسەڵاتدارێ ئێکەمێ ئیرانێ ل وی سەردەمەی کاری ب فێل و سۆزێن درەو شا موراد خانێ برایێ وێ شەهید بکەت، شەهید بوونا شا مورادێ برایێ وێ هانا هندێ دا کوو پتر تێ خەبتینێ ب شۆڕەش و خەبات و تووڵە سەندنێ ل دوژمنێ کوردان ڕە بکەتن، ل پایەمەکێ ژبوشێخێ نەمر داوایا ڤێ چەندێ کرییە کو هێز و کارینێن خوە یەک بخەن ژبوو پەلامار دانا هێزا دوژمن. پشتی هندێ کوو سوپایێ شا ڕەزا زور دڕندانە پەلامارا دەڤەرا پشتکۆ دا و دەست ب کوشتن و بڕین و تاڵان کرنێ کر، قەدەم خێرێ ژبو ماوێ پێنج ساڵان قەهرەمانانە دژی سوپایێ داگیرکەر شەڕ و خوڕاگری کر، دەکەک کوو دوژمن زانی شەڕ تەڤی قەدەم خێر و سووپایێ وێ توو سوودەک نیینە، بیر ل پیلانەکە شووم و درەو کر داکو بکارن دوو بەرەکی یێ بخەنە ناڤا خێل و عەشیرتێن دەڤەرێ، ل ئەنجاما خیانەت کرن و بەڵێ نپێدان ب لێبورینا گشتی کارین شۆڕەشێ سەرکوت بکەن.
ڕەزا شا دگەل نامەیەکێ بو قەدەم خێرێ قورئانەک هنارد هەیا پتر باوەڕییا وێ ب لێبوردنا وی بکەتن کو ژبوو وێ دەرکربوو. ب ڤی سووزا درەوا ڕەزا شا هەر ل سەر لەشکرێن قەدەم خێر بگرە هەیا وێ ب خوە ژی هەمییا باوەڕی پێکر.
پشتڕە ڕەزا شایێ ئیرانی (17) کەس ژ بەرپرس و سەرکردەیێن ڤێ شۆڕەشا خوەڕاگرا کوردان ل سێدارە دا و قەدەم خێریش دناڤا زیندانێ بوو.
چاڤکانی دبێژن قەدەم خێر ڕۆژێن داویی یێن ژیانا خوە ل زیندانێ دە بسەر برن و هەر ل وێرێ دە گیانێ خوە سپارد.[1]
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 166
Γράψτε το σχόλιό σας για αυτό το προϊόν!