ناڤ: جەلال
ناسناڤ: جەلال پەرێشان
ناڤێ باب: محەمەد
ڕوژا ژدایک بوونێ: #01-07-1967#
جهێ ژدایک بوونێ: ناحیا سەرگەڕان یا سەر ب باژێڕوکێ #مەخموور#
$ژیاننامە$
ناڤێ وی یێ تمامی جەلال محەمەد عەبدولڵا یە لێ ب جەلال پەرێشان ناڤێ خوە دەرکرییە د ڕێککەفتا 01-07-1967ێ ل ناحیا سەرگەڕان یا سەر ب باژێڕوکێ مەخموور یا سەر ب پارێزگەها هەڤلێرێ ژدایک بوویە، باوەڕناما دبلومێ ل ژمێریاری وەرگرتییە، هەروەسا باوەڕناما بەکالویورسێ ل کولێژا پەروەردەیا وەرزشی یا زانینگەها سەڵاحەدین ل #هەڤلێر#ێ بدەست خوەڤە ئیناندییە. پێشتر بێژەر و پێشکەشکارێ بەرنامەیێن وەرزشی بوویە ل تەلەفززیونا ئاسمانی یا زاگرۆس یا سەر ب پارتی دیموکراتی کوردستان بوویە و دهەمان دەمدە ل بۆنەیێن ئایینی و کۆمەڵایەتی دە هەردەم یێ ئامادەیە، ل مەها ڕەمەزانێدە ل مزگەفتان بانگ خوازە و ل بونەیێن حزبی و نەتەوی دە ستران بێژە، ل ساڵا 2019ێ و د دەمێ هەلبژاردنێن پەرلەمانێ کوردستانێ هاتە کاندید کرن و ب 30444 دەنگان کاری ببیتە ئەندامێ خولا پێنجێ یا #پەرلەمانێ کوردستان#ێ لسەر لیستا #پارتی دیموکراتی کوردستان#ێ، جێگرێ سەروکێ لیژنەیا رەوشنبیری و کۆمەڵگەها مەدەنی و وەرزش و لاوان یا پەرلەمانێ کوردستانێ یە، ئەندامێ لیژنەیا کاروبارێن کۆمەڵایەتی و داکوکی کرن ل مافێن مرۆڤانە ل پەرلەمانێ کوردستانێ، بەریا کوو بهێتە بەربژێر کرن ژبوو ئەندامەتییا پەرلەمانێ کوردستانێ ئەندامێ ئەنجومەنا پارێزگەها هەڤلێرێ بوویە، ب دیتنا جەلال پەرێشان بوارێ وەرزشێ ل کوردستانێ د قەیرانەکە مەزن دایە و لەوما وی د ڕاپۆرتەکێ کو پشکا کوردی یا دەنگێ ئەمریکا دگەل وی ساز کربوو ڕاگهاند کوو چەند پروژەیەکێن مەزن لسەر وەرزشا کوردستانێ هەنە کوو لبەرە پێشکەشی دەستەیا سەروکاتیا پەرلەمانێ بکەن ژبوو گەنگەشێ و دەنگدان لسەر وێ پروژێ، پەرێشان گووتبو دەنگێ ئەمریکا کوو ئەز کەسەکێ سیاسی نینم و هیڤیا من ئەوە کوو دەنگدەرێن من لڤێ هندێ تێبگەن کوو ئەز وەکە وەرزشوان گەهایمە ڤی ئاستەی و بوویمە پەرلەمانتار. جەلال پەرێشان نها نیشتەجهێ باژێڕێ هەڤلێرێ و ل تاخا مەنتکاوەیا ڤی باژێڕەیە . [1]
Αυτό το στοιχείο έχει γραφτεί σε (کرمانجی - کوردیی سەروو) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 490