ناڤ: تاهیر
ناسناڤ: مامۆستا تاهیر
ناڤێ باب: عەبدوڵڵا عوسمان
ڕوژا ژدایکبوونێ: #01-07-1940#
ڕوژا وەغەرا دوایی: #10-06-2018#
جهێ ژدایکبوونێ: #هەڤلێر#
جهێ وەغەرا دوایی: هەڤلێر
$ژیاننامە$
مامۆستا تاهیر عەبدوڵڵا عوسمان ل 01-07-1940 ل باژێڕێ هەڤلێرێ ژدایک بوویە، ل ماڵباتا (بناء) واتە هوستایێن بینایان یێن بەرنیاسن. خوەدیێ 3 برا و 3 خوەشکان بوویە.
وەستا خدرێ بەنا و وەستا کەریمێ بەنا و وەستا تۆفیقێ بەنا. خوەشکێن وی بناڤێ مەلیحە و هاجەر و نەجیبە، کو هەموویان وەغەرا داویێ کرییە و تاهیر عەبدوڵڵا بچیکترین زاروکێ حەجی عەبدوڵڵا بوویە.
دناڤا هەمی برا و خوەشکێن خوەدە ب تەنێ ئەو چوویە قوتابخانەیێ، زورێ سەرکەتی و زیرەک بوویە تەنانەت ل پەیمانگەها ماموستایان ب ئێکەمێ سەر قۆناغا خوە دەردچیت و ل ناڤا باژێڕێ هەڤلێر دادەمەزریت.
وەکە ماموستایەکی سەرکەتی چەندین قوتابخانە گوهرینە لوانا #ئیبن خەلەکان# و #مەلەوی# . ل گوتنا هەمی بابەتان گەلەکێ زیرەک بوویە ب تایبەت وەرزش کو پسپوریا وی ب خوە بوویە دگەل بابەتێن زمانێ عەرەبی و بیرکاری.
ل زاروکیڤە حەزا وەرزشێ هەبوویە، هەر ل 7 ساڵیێڤە یاری کرییە ل قوتابخانا خوە و پشترە ژبو تیپا هەڵبژاردەیا پەروەردەیێ هاتییە دەستنیشان کرن و لدیف وێ ل #یانەی وەرزشی یا بروسک# هاتییە وەرگرتن و پشترە وەکە ئەستێرەکا پرشنگدارا تەپا پێ ل #یانەی وەرزشی یا هەڤلێر#ێ ل ساڵێن 1950 هەیا سالێن شێستێ یا سەدەیا بوهری یاری کرییە.
یاریزانێ هێلا پێش بوویە ژبو هێرش کرنێ ل تیپا هەڤلێرێ و ل هەمی یارییەکیش دە گۆڵا خۆە ل تیپا بەرانبەر کرییە.
ئێەکەم یاری لسەر یاریگەها فرەنسۆ هەریری ئەنجام دایە و ئێکەم گۆڵیش لڤێ یاریگەهێ د بەرانبەر تیپی #یانەیا وەرزشی یا خانەقین#ێ تومار کرییە.
کەسایەتییەکی زورێ کۆمەڵایەتی بوویە. کەسەکێ نیشتمانپەروەر بوویە و زور هەڵوێستێن کوردانە و مەردانە هەبووینە .
هەڤکارییا هەژار و زاروکێن پێشمەرگان کرییە ل دەمێ مامۆستایەتیێ دە.
ل ڕێکەفتا 10-06-2018 کاتژمێر 5ی بەرەبەیان ب ئەگەرێ نەخۆشیێ گیانێ خوە ژدەستدا.[1]