ناڤ: بەشیر موشیر
ناسناڤ: ئوستاد
ساڵا ژدایک بوونێ: دەوروبەری ساڵی 1885 ژبو 1890
جهێ ژدایک بوونێ: #سلێمانی#
ڕۆژا وەغەرا دوایی: #30-07-1963#
جهێ وەغەرا دوایی: بەغدا
$ژیاننامە$
بەشیر موشیر یێ بەرنیاس ب (ئوستاد) دەردورێ ساڵا 1885 ژبو 1890 ل باژێڕێ سلێمانی یێ ژدایک بوویە و ل 30-07-1963 ل باژێڕێ بەغدایێ وەغەرا دوایێ کرییە.
ساڵا 1963 و پشتی کودەتایا بەعسییان، ئیراق ب گشتی و باژێڕێ بەغدا ب تایبەتی ژبو کەسانێن ئازادی خواز و دیموکرات ئێمناهی نەبوو. ل وان ڕۆژێن ئالوزدا بەعسییان بەشیر موشیر دگرن. بێگومان کەسایەتییەکە وەکە ئەو کاریگەر و بەرنیاس دبیتە خوراکێ هێزێن فاشیست یێن وەکە بەعسییان.
پشتی ئەشکەنجەدان و ئازارەکە زۆر ماموستا بەشیر ل گرتیگەهێن بەعسیاندە، ڕوژا 30 ێ مەها حەفتا ساڵا 1963 ئوستاد مالئاڤایی ل ژیانێ دکەت.
بەشیر موشیر:
لدیف گوتنێن چاڤکانیان ل دەمێ وەفاتێدە ژیێ بەشیر موشیر دگەهایە 75 ساڵ دهاتە مەزەندە کرن، لدویف ڤان مەزەمدان بیتن ساڵا ژدایکبوونا وی دناڤبەرا ساڵا 1885 ژبو 1888 دایە.
دوکانا خەیاتییا وی کەتبوو جادەیا ڕەشید ل بەغدایێ وەکە یانەیەکە نڤیسەران و ڕەوشنبیران و سیاسی یێن کورد بوویە لوان دەماندە، ئەو کەس هەموو دەمان لەوێرێ کۆمدبوون.
ئێکەم کۆمەڵەیا سیاسی کو وی پەیوەندی پێڤە کربوو کۆمەڵەیا پشتەڤانیا کوردان بوویە کو ل ساڵا 1927 ل بەغدا هاتییە دامەزراندن.
- پیرەمێردی هوزانڤان ناسناڤێ مامۆستا ب بەشیر بەخشیبوو و ژئالێ هەوادارێن خوە ناسناڤێ (فەیلەسوف، هوزانڤان، زەعیم، موشیر) کەتییە بەر ناڤێ وی.
- ل ساڵا 1931 پەڕتووکەک بناڤێ (سپارەی حق پەرستی) ل بەغدایێ چاپ کرییە.
- ل ساڵا 1939 پەڕتووکا (بەختنامە)ی وەرگێڕایە سەر زمانێ کوردی، نڤیسەرێ پەڕتووکا ناپلیۆن پۆناپارت بوویە.
- لە 30 تەمموزا ساڵا 1963 ل بەغدایێ وەغەرا دوایێ کرییە و تەرمێ وی ل باژێڕێ بەغدایێ ل گۆڕستانا شێخ مەعروف ل کەرخ هاتییە بخاک سپاردن.
تێبینی: ئەڤ بابەتە وەکە کەسایەتییا بەشیر موشیر بابەتەکە دناڤبەرا حەقیقەت و خەیالێدە و ئیلهام ل نڤیسینا ماموستا کامیل ژیر وەرگرتییە بناڤێ بەشیر موشیر؛ ئەو سەرکردەیێ نە درەو کرییە، نە ڕاستی گوتییە .[1]