ئیشی ژنان بیست و چارن هەر نان و کۆریان دیارن
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (ئیشی ژنان بیست و چارن هەر نان و کۆریان دیارن)، وتراویشە: #ئیشی ژنان بیست و چارن هەر نان و شیویان دیارن#، ژنانی کورد زۆربەی کاروباری ناوماڵ و کێڵگە و پەڕیز و مەڵۆ و سوارە کۆکردنەوە و گیشە و گەڵاوێژ درووستکردن و تێلەکێشی و هەوێز ماڵین بە کۆمەڵ و مەڕداری و دۆشین و لەبێردان و ماست و بەرهەمەکانی و سەرگین کۆکردنەوە و چیلکە و دارهێنان و ئاوکێشان و چێشت لێنان و گسکدان و ساوار بژار کردن و لەدەستاڕدان و کوزەربێشتن و لەبێژینگ دان و بەباکردنی زەخیرە و دانەوێڵەی وەکوو نیسک و نۆک و کونجی و بەلەچککردنی بەرووبومەکانی بامیە و باینجان و تەماتە و گندۆرە و هەنجیر، ئاوتەماتە و دۆشاو و سرکه، لە هەموو ئەوانە دیارتر نان کردن و کۆرکردنە کە دوو کاری زۆر قوورس و دیارن، هەر بۆیە لە خۆشناوەتیدا وتراوە: ئیشی ژنان بیست و چارن هەر نان و کۆریان دیارن. [1]
کۆرکردن: شێوە زاری کۆیە و خۆشناوەتی واتە: کول یان کوڵکرن خۆشوشتن لەدەو ئاوان.
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 100
Γράψτε το σχόλιό σας για αυτό το προϊόν!