دوای ئەوەی بەشێوەیەکی فەرمی نووسینگەی شێخ نەهرۆ کەسنەزانیڕابەری
تەریقەتتەریقەتی قادری لە جیهان، ئەوەی ڕاگەیاند کە شێخ نەهرۆ بەهۆی نیگەرانییەوە شاری سلێمانی جێهێشتووە، ژمارەیەک بەرپرسی یەکێتی پەیوەندی بە شێخ نەهرۆوە دەکەن و داوای لێدەکەن بگەڕێتەوە بۆ سلێمانی، بەڵام ناوبراو هیچ بەڵێنێکی بەو بەرپرسانە نەداوە بۆ گەڕانەوە بۆ سلێمانی.
ژمارەیەک سەرکردەی پێشووی یەکێتیی نیشتمانیی کوردستان پەیوەندییان بە شێخ نەهرۆ کەسنەزانییەوە کردووە کە بگەڕێتەوە بۆ سلێمانی و بنکەی سەرەکی تەریقەتی قادری نەگوازێتەوە بۆ بەغدا. ئەو بەرپرسانەی یەکێتی پێیان وابووە بوونی بنکەی سەرەکی تەریقەتی قادری لە سلێمانی کاریگەریی ئایینی و ئابووری هەیە، بۆیە پێویستە بنکەی سەرەکیی تەریقەتی قادری لە سلێمانی بمێنێتەوە.
شێخ نەهرۆ کەسنەزانی لەگەڵ ئەو بەرپرسانەی یەکێتی باسی لە نیگەرانییەکانی خۆی کردووە و پێی وابووە یەکێتی لە ئاست پێگەی تەریقەتەکەی ڕێزیان لێی نەگرتووە و پێی وایە بچێتە بەغدا ڕێزی زیاتری لێدەگیرێت. بۆیە هیچ بەڵێنێکی بەو بەرپرسانەی یەکێتی نەداوە کە لە بڕیارەکانی پەشیمان ببێتەوە.
لە ئێستادا ڕابەری تەریقەتی قادری لە شاری بەغدا سەرقاڵی درووستکردنی تەکیە و میوانخانەیە بۆ تەریقەتی قادری تا بنکەی سەرەکییەکەی لە سلێمانییەوە بگوازرێتەوە بۆ شاری بەغدا و شێخ نەهرۆ کەسنەزانیش لەو شارە نیشتەجێدەبێت. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 380
Γράψτε το σχόλιό σας για αυτό το προϊόν!