ناڤونیشانێ بابەتی: لۆژیکێ لڤین و نەلڤینێ
ناڤێ نڤیسکارێ: جوان عزەت
مرۆڤ هەموو دەما حەز دکەت کەسەک بیت کو هەمی تشتێن وی ژ یێن دی باشتر بن و پەنایێ دبەتە بەر وان کاران ئەوێن د زانیت کو دێ وەرارەکا نوی ل نیک وی دروست کەت، بەلێ ئەو د جهێ خوە دا هەست ب جورێن کێماسیێ دکەت، چونکو ل سەر وی نە یا پێدڤییە ببیتە کەسەک وەکو کەسێن دی هزربکەت، ئانکو ئەو ژیانا خوە ل ئاستێ ژیانا هەرو هەر/ ئەبەدیێ نابینیت، ئەڤ جورێ مرۆڤی چجاران ناهێلیت ئەو ل سەر ئارمانجەکێ تنێ یێ رازی بیت، داخوازا گەلەکێ ژ هزر و شیانێن کو هەنە دکەت.
ئەڤ لوژیکا بەرەڤ لڤینێ دچیت ئەرک و ملێن وی کەسی دخوازیتە ناڤ بارەکێ گران و لڤین وی پتر دکێشتە ناڤ رەهێن کوراتیا ئێش و ئازار و نەئارامی و لێگەریان و ژیانا دونیایێ، مرۆڤێ ب ڤی رەنگی گەشەکرنە بۆ پێشکەفتنا بوارێن جڤاکی، چونکو ئەڤە توخیبێن راستڤەکرنا باژێران د هەلبژرێن، هەموو دەما هشێن مرۆڤی د کارتێکەرێن پیشڤەچوونا رێکێن باژێرڤانیێ دا دگەل هزرکرنێ ئالوزن. بەری جڤاکێن مرۆڤایەتی و باژێریێ دروست ببن، ئەڤ سست و خاڤیا نها د دورهێلی دا هەیی نەبوو، هینگێ روحا مرۆڤبوونێ ل سەر ئێک پیڤەر و شیرەت برێڤەچوو، ئەو تشتێ د ڤی سەردەمی دا هاتە بهیستن ل وی دەمی نە یێ چێکری بوو بتنێ بەر ب رەنگێن چێکرنێ ڤە دهات، ئانکو ئەڤا نها ئەم خوە ژێ بەرپرسیار نە بینین، واتە د ناخێن مە دا نە پاراستنا پرەنسپێن سروشتێ باژێرڤانیێ یە.
نابیت ئەم سەردەمێن کەڤن و نوی د ئێک تەرازویێ دا هەلسەنگینین، بەلێ ئەم دشێن دوو سەردەمێ جیاواز ژ ئێک جودا بکەین و ئێکێ بناڤێ سەردەمێ ئارامی و نەتێکدان و نەهوشیێ بناڤ بکەین و یێ دی ژی بکەینە سەردەمێ نە ئارامی، تێکدان و ئالوزی و هوشیارکرنێ. ب ڤی مەرجی ئەو مرۆڤێن حەز بکەن هەردەم ل بەر با و سەقایێ بێ کێشە بن پەنایێ د بنە بەر جیهانا خوە یا نەلڤینێ و بەروڤاژی ئەو مرۆڤێن حەز دکەن جڤاکێ وان پەیڤا وان نەخێرێ گەرەنتی بکەت، بێگومان دێ بۆ لایێ هێرشێن گران، بەربەست و ئیشێن بەردەوام ب وەرارا لڤینێ ڤە چیت، ئەڤە بخوە هاوکێشەکە زالبوونێ ل سەر رێکخستن و گرنگییا پێنگاڤێن پێشکەفتنێ دخوازیت.
ئەنجام: زوربەیا جڤاکان هەنە ژیانێ ل سەر تاکی ساناهی دکەن و پێکولا زیندانکرنا هەلبژارتنێن وان دکەن دا بتنێ هزر ل دەرڤە دا بکەن و هەست پێ کەن، کو بێ هەبوونا بەرپرسیاریەکێ یان ژی ماندیبوونەکێ نان، ئاڤ و ژین و ژیارا وان یا دستڤە هێت، بەلێ ئەگەر ئەم ب شێوەکێ زانستی و لوژیکی و تیوری بچینە ناڤ ڤی بابەتی دا ئەڤە مەزنترین خەلەتیا وان جڤاکا یە، کو رێکێ ل بەر داهێنان و شارستنانیەتا پێشکەفتنا مرۆڤی و جڤاکێ ئاستێ بلند دگرن، چونکو مرۆڤ ب ڤی سالۆخەتی دێ گەهیتە وێ باوەرێ چ ئەرک و بەرپرسیاری ل سەر من نین ئەویێن ژ من پێهەل و بلند تر و مافێن بریاران و هەلبژارتنان هەیی دشێن ژیانا من ژ روویێ ئابووری و خوەشگوزەرانی و مافێن مرۆڤبوونێ دامەزریینن، بەلێ وێ هزرێ ناکەن کو ئەڤە بێ ئەختوباریەکا مری یە دگەل وان دکەن، لەورا ل سەر پیڤەرێ بەتالی، خازخازوکی و تەمبەلیێ بەردەوام دبن، یا دیارە ئەڤ جورە جڤاکە وەرارا گەشەکرنا مرۆڤی د ناڤ دۆرهێلی دا دەتە کوژتن، داکو پتر سەقایەکێ پیس و بێ دەرمان بەلاڤ ببیت، بەلێ پرسیار ل ڤێرێ ئەوە مرۆڤ چاوان دێ شێت ڤی دۆرهێلی بۆ سەقایەکێ سەقامگیر گوهەریت؟!
[1]
Αυτό το στοιχείο έχει γραφτεί σε (کرمانجی - Upper Kurdish (Arami)) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەڤ بابەت ب زمانا (کرمانجی - Upper Kurdish (Arami)) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Αυτό το στοιχείο έχει προβληθεί φορές 367
Γράψτε το σχόλιό σας για αυτό το προϊόν!