هەژدەی ڕەشەمێیە، قاڕژنی سیێیه
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (هەژدەی ڕەشەمێیە، قاڕژنی سیێیه) ، ڕەشەمێ دوا مانگی ساڵنامەی کوردییە لە دوای مانگی بەفرانبار و ڕێبەندانەوە دێت، کورد ئەوەی کۆی کردۆتەوە لە وەرزی هاویندا لەدوو مانگی یەکەمی وەرزی زستان دوای بەفر کەوتن و ڕێگیران هەموو زەخیرە و دانەوێڵە داکراوەکانی ناو هەمبانە و کەندوو و عەمبار و جەواڵ و خرار و چاڵە گەنمەکانی دەخوات و بەرەو کۆتایی دەچێت، لە ناوەڕاستی مانگی ڕەشەمێ بەدواوە بێ زەخیرەیی بەدیار دەکەوێت و هێشتا بۆ بەرهەمی نوێی دانەوێڵەش ماویەتی دەبێتە قیژە و هاتوهاوار و دەمەقاڵی و شەڕ، بۆیە خۆشناوەتی وتویانە: هەژدەی ڕەشەمێیە، قاڕژنی سیێیه.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 62