دەنگو دەهۊڵی دوورۆ وەش هەن
ئەسڵو ئیدیۆمەکۍ چامنەن هەکە دهۊڵ دەنگش ڕەق و زلەن، نزیکۆ بېزار کەرەن، بەڵام جە دوورۆ خاستەرەن، مەتاومۍ واچۍ وەش هەن. پېسە ئیدیۆمێ بەکارئامان پەی بەرکۆتەکا تەرو ژیوای، پەی نمونەی پاسە وەڵامەبۊوە هەکە فڵانە کەس، فڵانە خانەوادە، فڵانە عەشرەت و حیزب شانشا چامنەن و باڵشان چامنەن، خەڵکی جە دوورۆ چېش مژنەوا، ئانەی ماچاوە، بەڵام وەختێ نزیک مەبیۆ چەنەشان، مەوینی تەمام پېچەوانەن.
پەی واردەمەنی یان چاشتخانەیچ هەر پاسنەن، بڕێ جە خەڵکا تاریفۍ واردېوە یان چاشتخانېوە مەکەران کە واردەش فرە وەش هەنو لەزەتیەن، بەڵام وەختێ وېت ملی یان واردەکەی موەری، مەوینی پاسنە نېیەن.
دلۍ میللەتێ داگیرکریاینە چن کەسێ یان پارتێ سېیاسی قیت مەبۊوەو داواو مافو ئا میللەتەیە کەرۊن، چەنی دایرکاری مەگنۊ جەنگ، خەڵک بە ڕزگار کەرو فریشتە مەوینۊشا، بەڵام وەختێ داگیرکار جېیامزۊو ئاڎۍ مەیاوەو دەسەڵات مەگېرانە دەس، کەچی خەڵکی ماچان ڕەحمەت کفن دزی وەڵینی، خۊ ئینە دوورۆ زەریفۍ بېنۍ، نزیکۆچامنۍ نېیەنۍ.[1]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Αυτό το στοιχείο έχει προβληθεί φορές 696
Γράψτε το σχόλιό σας για αυτό το προϊόν!