تاڵانی بەردۍ
ئیدیۆمێن، زېیاتەر پەی حێوانی، زیاتەریج پەی (گاۋۍ) بەکارمێ، جاران دلۍ باخ و دەشت و دەرینە گەر گاوەو کەسێ یان هینەو یانېوە لوێنە دلۍ کیارە یام باخو هامساکەیشانو زەرەرش دێ، پەی نموونەی پەڕچینو باخەکەیش ماڕێ، یان لوێنە دلۍ کېیارەکۍ و زەرەرش وەنە دێ، وەختێ خاوەنو باخەکەی ئامێ و ئا بارەشە دیێ، گاوەکۍ بەرکەرۍ و واچۍ (تاڵانی بەردۍ) هیچش ناستەن، گردش وېران کەردەن.
سەرچەمەو ئیدیۆمەکۍ جە تاڵانی و جەنگ و داگیرکاریۆ ئامان، سەردەمە وەڵینەکانەو دلۍ جەنگەکانە، وەختو پەلاماردای ناوچېوەنە، دمای جەنگ و کوشتاری، هەرچی ما و سامان و ئاژەڵ بېیەن بە تاڵانی بەردەنشان، ئەچا سەردەمەنە ئانەی زېیاتەر بە قیمەت بېیەن پەی تاڵانی (گاوە) بیېنە، چوونکوم پېسە مزانمۍ قیمەتێ فرەش هەن، پەی شۊتی، گۊشتی، هیتۍ، پۊسی، ...هتد.
ئانە پېیە دوعێوە (نزێوە) کریێنە گاوەکۍ و ساحیبتکەیش، هەکە ئاگاش چەنەش نېیەن زەرەرو مېیاونۊ بە باخ و کیارەو خەڵکی.
پەی (هەری) بە بەرۋستێ نېرانە ماچیۊ، چوونکوم (هەر) نېرەن، ماچان: تاڵانی بەردە.[1]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 657
Γράψτε το σχόλιό σας για αυτό το προϊόν!