هەر یەک لە #کۆمەڵی دادگەریی کوردستان# و #یەکگرتووی ئیسلامیی کوردستان# لە چەند ڕۆژی ڕابردوو لە گفتوگۆکانیاندا لەگەڵ #نەوەی نوێ# گەیشتبوونە ڕێککەوتنی سەرەتایی بۆ درووستکردنی لیستێکی هاوبەش بۆ بەشداریکردن لە هەڵبژاردنی ئەنجوومەنی پارێزگاکان. بەڵام بەهۆی پێداگرییەکانی #شاسوار عەبدولواحید# لەسەر داواکارییەکانی ئەو هاوپەیمانێتییە درووست نەکرا.
شاسوار عەبدولواحید دوو داواکاری لە یەکگرتووی ئیسلامی و کۆمەڵی دادگەری هەبووە بۆ درووستکردنی ئەو لیستە هاوبەشە لە شاری #کەرکووک#. داواکاری یەکەمی ئەوە بووە کە دەبێت سەرۆکی لیستەکە لە نەوەی نوێ بێت. داواکاری دووەمیشی بریتی بووە لەوەی کە دەبێت لیستەکە تەنیا چوار کاندیدی هەبێت و یەکێک لەو چوار کاندیدەش ژن بێت و ئەندامی نەوەی نوێ بێت.
بەپێی داواکارییەکانی شاسوار عەبدولواحید کۆمەڵ و یەکگرتوو دەبوو هەر یەک یەک کاندیدیان هەبوایە و کاندیدەکانیش پیاو بوونایە نەک ئافرەت. دوو کاندیدەکەی دیکەش کە یەکێکیان پیاو بوایە و سەرۆکی لیست دەبوو لە نەوەی نوێ، هەروەها کاندیدی ژنیش دەبوو لە نەوەی نوێ بوایە.
کۆمەڵ و یەکگرتوو پێیان وابووە شاسوار عەبدولواحید دەیەوێت بە کەڵک وەرگرتن لە دەنگەکانی ئەو دوو حیزبە ئیسلامییە کورسییەکی کۆتایی ژن و سەرۆکی لیستەکەی دەربچن. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 479
Γράψτε το σχόλιό σας για αυτό το προϊόν!