زوانما دزیان نەک فەرەنجی
چن ڕوێن چن پۆستێ وینو وانوە گرد شین و ڕوو فەرەنجیەکەو خورماڵیشانە بەڵام کەسی نەپەرسا چی یاوایمی ئیگە؟ من چیگۆ ئینەی بەسوە بە چیوێ تەرۆ کە زوانا جا زوۆن چیوێ کەوتەن دلیما با کابرا یاونە مەجبورینمی زوانما فاڕمی پەی کابرای تاکو یاونە دمایچ بەهانی مارمێ پەیش کە تاکو حاڵی بوو ئانما کەرد! مەزانۇ پی هەرمانی چن چیوېت نیشانەو وەرانوەرەکەیت دان یۊ چا چیوا کابرا ماچو نیازم پانەی نېیا بلو هۆرامی فیر بوو چوون ئاڎۍ زوانو من مزانا دووی دلی هۆرامیانە چیوێ هەن ماچا فرە نەرمی مرمانمی ئی نەرمیەیچە بېیەن بایسو ئانەی کە هۆرامی بە چەمۍ تەر تەماشە کرو پیسە ئانەی ماچا دوە سەنت و لاچو ماچۊ و ئۆهۆو دیسان هۆرامی قسی کەرا وانەری وەشەسیا ئینی گرد چیوی دەرونیشا ئینا پەشتیۆ پاسە نەزانی کە گوترە وەش بېیەن ئاوەخت هۆرامی بەس نامینە ویش ئیستۆ کە زوانش فاڕا، من ئینانا چەنی فیربیەو گرد زوانێ و پەنە نویستەیچش بەس واڵا عەیبا زوانو ئەڐایت نەزانی و نەزانی پەنەش بنویسی و ڕوەیچت نەبوو قسیش پەنە کەری ئی ویرەگا تەماشەو ڕاپۆرتێم کەردە گرد باسو ئانەی کەرینی کە ئیمە هۆرامینمی کەچی یەک نەفەرشا ناما بە هۆرامی قسی کەرو جە وەختێنە پەیامنېرەکە قسی ئینیشا کە قسی کەرا گردش دلی ڕاپۆرتەکینە باس کەردی ئێ کاکی هۆرامی با تو بەهۆرامی قسیت کەردێنی بەچیشەرە گەرەکتا ویت نیشانە دەی کە هۆرامیەنی؟ ئیسه ڕەنگە بڕێ ئازیزی بەیا واچا کە گرما کوردینمی من ماچو کەس باسو کورد بیەو کورد نەبېیەیش نەکەردەن وە وینای بڕێ چیوا جە قەڐیمۆ تاکو ئیسه بە ئانزانی ئاقڵی ڕوشن کەروە کە کی کورداو کی کورد نېیا
فرەو جارا بڕێ چیوی ڕوە مڎا تاکو ئا چیوە گەورە کە ویرش چەنە کەریۆ بە چیوێ گولانە ویرت بەراوە زانی ئانزان زوانش نەبوو هیچش نیا؟ گردما ئی چیوا زانمی کەچی مەیارمی واچمیشا چوون قەڐیمۆ پەیما مەنەن جیا واز بارە بە من حەل نەکریا جا نوبەو تون! دماین قسەنە ماچو فەرەنجی دە جاری تەر دزیو میوە بەس زوان نمیوە د. مستەفا زادە ماچو بنویسمێ بە زوانی هۆرامی، بوانمێوە بە زوانی هۆرامی کە ئاڵاو قەڵەمی نەبڕیەینە باڵاو هیچ مێللەتێویەرە.
ڕێبوار هۆرامی.[1]
Αυτό το στοιχείο έχει γραφτεί σε (هەورامی - Kurdish Hawrami) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 108
Γράψτε το σχόλιό σας για αυτό το προϊόν!