نامۍ: خدر
نازنام: خدری دوەمی ئەردەڵانی
نامۊ تاتەی: ئەلیاس
$ژیۋاینامە$
دمای مەردەی ئەلیاسی ئەردەڵانی، خدری کوڕش کە هامنامو تاتەیش بۍ، بە خدری دوەم ئەشناسیابۍ، پېسە پەنجەمین میرو ئەردەڵانەکا جلەوو دەسەڵاتیش بە میراتی دەس گېرت، پاسە ئامان کە میرێ فرە خوڎاتەرس و پاک بېیەن، ڕوەکا ژیوایش بە عیبادەتو خوڎایۆ گوزەرنان، هیچ جۊرە زوڵم و زۊرێش ئەو ڕەعیەت و چېردەسەکاش نەکەردەن، حەتتا وەرگېرتەی باج و سەرانەیش جە ڕەعیەتەکاش بە پېچەوانەو شەریعەتی زانان.
عوسمانیەکۍ پاکی و فەقیری خدری دوەمیشا بە هەلە زاناو پڕێنە لەشکەرشان ئارد دلۍ مەملەکەتی، خدری دوەمی ئەردەڵانی بە بۍ جەنگ چەنیشان ڕېککۆت، بەشێ فرەو سەرزەمینو ئەردەڵانیەکاش پېشکەش بە عوسمانیەکا کەرد. سنوورو شارباژێڕی تاکو هۆلېر و کۆیە و حەریر و ئامێدی و ڕەواندوزیش بە ئاسانی وست چېرو دەسیشان. پەی ماوەو سی و شش ساڵا فەرمانڕەواییش کەرد، ڕوەو یانەی ئەبەدی و هەتایی ڕوەش نیا.
ئەسعەد ڕەشید.[1]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 212
Γράψτε το σχόλιό σας για αυτό το προϊόν!