ئەمڕۆ شەممە #25-11-2023# #بافڵ تاڵەبانی# سەرۆکی #یەکێتیی نیشتمانیی کوردستان# بە سەرۆکایەتی وەفدێکی باڵای یەکێتی سەردانی #کۆمەڵی دادگەریی کوردستان#ی کرد و لەلایەن مامۆستا #عەلی باپیر# سەرۆکی کۆمەڵی دادگەری و وەفدێکی باڵای کۆمەڵی دادگەرییەوە پێشوازی لێ کرا .
لە کۆبوونەوەیەکدا گفتوگۆ دەربارەی بارودۆخی سیاسی هەرێم و ئێراق و ناوچەکە کراو جەختیش کرایەوە لە پێویستی پاراستنی بەرژەوەندییە باڵاکانی خاک و خەڵکی کوردستان، هەموو لایەنەکانیش پێکەوە هەوڵەکانیان بخەنەگەڕ بۆ چارەسەرکردنی ڕیشەیی بژێوی هاووڵاتییان بەگشتی و مووچەخۆران بەتایبەتیی.
هەر لە کۆبوونەوەکەدا یەکێتی و کۆمەڵی دادگەری بە پەرۆشەوە دڵنیایان کردەوە لە درێژەدان بە گفتوگۆ و دیالۆگی نیشتمانیی لە هەرێم بە شێوەیەک لە بەرانبەر پرسە چارەنووسسازەکان کۆدەنگی نیشتمانیی درووست بکرێت و یەک وتاری نیشتمانیی ئاڕاستەی #بەغدا# بکرێت کە سەرچاوەکەی دیدگای باڵای کوردستانی بێت کە بۆ ئەوەش یەکخستنی هەوڵەکان و لابردنی بەربەستەکانی بەردەم پەیوەندی لایەنە سیاسییەکانی هەرێم بە پێویست زانرا.
دۆخی نەخوازراوی ناوچەکە، پرسی هەڵبژاردن دوو تەوەری تری کۆبوونەوەکە بوون کە بەوردی تاوتوێکران و دووپات لە پاراستنی سەقامگیری ئاساییش و ئارامی هەرێم، لابردنی ئاستەنگەکانی بەردەم هەڵبژاردن کرایەوە بە شێوەیەک هەموو هەوڵەکان بخرێنە گەڕ تا هەڵبژاردنێکی پاک و بێگەرد کە وەڵامدەرەوەی خواستی هەمووان بێت لە کاتی خۆیدا بەڕێوەبچێت.
لە کۆتایی کۆبوونەوەکە دا جەخت لەسەر برەودان و بەهێزکردنی پەیوەندییە دوو قۆڵیەکانی هەردوولا کرایەوە. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 310
Γράψτε το σχόλιό σας για αυτό το προϊόν!