#لەتیف ڕەشید# سەرۆککۆماری ئێراق لە کۆشکی #بەغدا# پێشوازی لە دکتۆر محەمەد تیجانی بیرمەندی ئیسلامیی تونسی کرد.
لە دیدارەکەدا، کە ڕۆژی پێنجشەممە #28-12-2023# بەڕێوەچوو، سەرۆک کۆمار بایەخی بڵاوکردنەوە و چەسپاندنی بنەماکانی ئایینی ئیسلامی دووپاتکردەوە، کە لەسەر لێبوردەیی و ئاشتی و خۆشەویستی و پێکەوەژیانی مرۆڤایەتی بنیاتنراوە.
هەروەها سەرۆک کۆمار ئاماژەی بە پێشکەوتنە ئەرێنییەکانی وڵات کرد لە ڕووی سەقامگیریی ئاساییش و پێشکەشکردنی خزمەتگوزارییەکان و باشبوونی ئاستی بژێویی هاووڵاتییان.
سەرۆک کۆمار باسی لە ڕۆڵی گرنگی پیاوانی ئایینی کرد لە بانگەوازکردن بۆ چاکەکاری و لێبوردەیی و هاریکاری و پتەوکردنی ڕایەڵەکانی خۆشەویستی و پێکەوەیی لەنێوان ڕۆڵەکانی کۆمەڵگە، سەرەڕای بەرەوپێشبردنی بەها بەرزەکان، کە بانگەشە بۆ میانڕەوی دەکەن لەپاڵ نزیککردنەوەی ئایین و تایفە و کلتورە جیاوازەکان.
لەلایەن خۆیەوە، دکتۆر تیجانی بایەخی بەهێزکردنی ئەو هەوڵانەی دووپاتکردەوە، کە لەپێناو چەسپاندنی پێکەوەژیان و بنیاتنانی پردی متمانەی نێوان ئایینە جیاوازەکان دەدرێن. هەروەها سوپاسی ڕۆڵ و سووربوونی سەرۆک کۆماری کرد لەپێناو پتەوکردنی نزیکبوونەوەی نێوان تایفە و ئایینەکان و دیدارە بەردەوامەکانی لەگەڵ پیاوانی ئایینی لە سەرجەم پێکهاتەکاندا. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 293
Γράψτε το σχόλιό σας για αυτό το προϊόν!