بەڕێوەبەری تۆڕی پاراستنی کۆمەڵایەتی لە دیوانی #وەزارەتی کار و کاروباری کۆمەڵایەتی# ئاماژەی بۆ ئەوە کرد: ئەو فۆرمەی ئێستا بۆ کەمئەندامان پڕ دەکرێتەوە بۆ کۆکردنەوەی زانیارییە، دەشڵێت: ناوی 13 ھەزار کەمئەندامی دیکە لە #وەزارەتی دارایی و ئابووری#یە بۆ ئەوەی بڕیار لەسەر خەرجکردنی مینحەی مانگانە بدرێت.
ھەوراز عەبدولقادر، بەڕێوەبەری تۆڕی پاراستنی کۆمەڵایەتی لە وەزارەتی کاروباری کۆمەڵایەتی بە ماڵپەڕی فەرمیی پارتی دیموکراتی کوردستانی ڕاگەیاند: ئەو فۆرمەی ئێستا بۆ کەمئەندامان و خاوەن پێداویستی تایبەت پڕ دەکرێتەوە فۆرمی ساڵانەیە و بۆ خستنەڕووی زانیارییە لەبارەی کەمئەندامان، لەبەر ئەوەش پێویستە ھەموو کەمئەندامێک ئەو فۆرمە پڕبکاتەوە، ئەوانەی لە ژیانیشدا نەماون مینحەی مانگانەیان ڕادەگیرێت.
بەرپرسەکەی وەزارەتی کاروباری کۆمەڵایەتی دەشڵێت: لە ھەرێمی کوردستان 76 ھەزار خاوەن پێداویستی تایبەت مینحەی مانگانەیان بۆ خەرج دەکرێت، بەپێی مەرج و ڕێنماییەکانی حکوومەت کە لە چوارچێوەی یاسادا ڕێکخراوە مینحە بۆ کەمئەندامان خەرج دەکرێت.
ھەوراز عەبدولقادر ئاماژەی بۆ ئەوە کرد: لیستێکی دیکەی کەمئەندامان کە 13 ھەزار ناوە لە سەرۆکایەتی ئەنجوومەنی وەزیران ڕەوانەی وەزارەتی دارایی کراوە، دوای پێداچوونەوە مینحەی مانگانەیان بۆ خەرج دەکرێت. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 275
Γράψτε το σχόλιό σας για αυτό το προϊόν!