پەیدیاو دۆڵەتو عوسمانی پەی برووسکەکەو شېخ عەبدولسەلامو بارزانی
دمای کۊنیشتەکەو بریفکانی، شېخ عەبدولسەلامو بارزانی بە برووسکێوە داواکاری کۊنیشتەکەیش یاونێ دەسەڵاتدارا عوسمانی، بەڵام ئاڎۍ ئا هەرمانېشا بە لادای و جیاوازوازی و جە یاسا بەرشېیەی قەڵەم دا. پەوکەی جە کۊتاو ساڵەو (1907 ز) بە فەرمانداری محەمەد فازڵ پاشاو داغستانی هېزێشا کیاست سەرشان، هیچکام جە سەرخېڵەکا وەرگیریشان نەکەردو گردو قورساییەکەیشان وست سەرو شانەو شېخ عەبدولسەلامی و بارزانییەکا، پەوکەی شېخ عەبدولسەلام فەرمانو وەرگیریکەردەیش دا و بارزانییەکۍ پەی ماوەو دوۍ مانگا وەرگیریشان کەرد. ئیتر شېخ ناچارکریا ناوچەکەیش جیابازۊو پەنا پەی ماشەمعوونی ئاشووری بەرۊن. سوپاو عوسمانی یاوا ناوچەو بارزانی و دەسش کەرد بە تاڵانی کەردەی سۊچنای ناوچەکەی، مستەفا بارزانی کە ئا وەختە تەمەنش یەرەساڵا بۍ، چەنی ئەڎێش دیلۍ کریێ و پەی ماوەو یەک ساڵی زێڼانو موسڵی بەڼۍ کریێ.
ساڵەو (1908 ز) شېخ عەبدولسەلام گېڵاوە ناوجەو بارزانی، دەسش کەرد بە گلېرکەردەیۆ بارزانییەکا، سوپێوەش سازناو پەلامارەو ئا هېزاشەدا کە چا ناوچەنە بېنۍ، زەرەرێ فرەشا یاونا بە سوپاو عوسمانییەکا، ئەچېگۆ عوسمانییەکۍ داواو گفت و گۊیشان جە شېخ عەبدولسەلامی کەرد.
ئەسعەد ڕەشید.[1]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 178
Γράψτε το σχόλιό σας για αυτό το προϊόν!