ئەرەکیانیاو ڕووسیای چ قۆلێش بە شېخ عەبدولسەلام بارزانی دا؟
دمای گفت و گۊی میانو شېخ عەبدولسەلام بارزانی و عوسمانیەکا، دیلە تورکەکېشا ئازاڎۍ کەردۍ، ئاڎییچۍ قەرەبو زەرەرەکاشا پەی شېخ عەبدولسەلامی کەردۆ. دماتەر ساڵەو (1913 ز) سلێمان نەزیر پاشاو والی موسڵی سەرجەنۊ پەلامارەو ناوچەو بارزانیش داوەو دیسان شېخ عەبدولسەلام ناوچەکەش جیائاست و لوا پەی دەگاو ڕاژانی نزیک بە ورمێ. دەسەڵاتو عوسمانییەکا خەڵاتێ گۆرەش نیارە پەی هەر کەسێ کە شېخی بکشۊن، یام دیلش بکەرۊن. ساڵەو (1914 ز) شېخ عەبدولسەلام و مارشەمعوونی ئاشووری و پاشای ئەرمەنی دلۍ دەگاو ڕاژانی لوێ پەی تەبلیسی، چاگە چەمشان بە ئەرەکیانەو قەیسەرو ڕووسی کۆت، باسشان جە مەرزنارەی دۆڵەتێ فیدراڵی تېکەڵ جە کورد و ئەرمەن و ئاشووری کەرد، ئاڎییچ قۆلش پەنەدێ پەی ڕزگاربیەیشان جە دەسو عوسمانیەکا هامکاریشان بکەران. خېزیای شۆڕشو ئۆکتۆبەری جە ڕووسیا، ئا وەرمەشا دلېنە بەرد پەی مەرزنارەی دۆڵەتێ کوردی.
ئەسعەد ڕەشید.[1]
Αυτό το στοιχείο έχει γραφτεί σε (هەورامی) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Αυτό το στοιχείο έχει προβληθεί φορές 257
Γράψτε το σχόλιό σας για αυτό το προϊόν!