ناتوانی شت لە ژنەکەت داشاری
ڕووخسار و پێستی خۆت دەپشکنیت و
دەچیتەوە ماڵ،
ئاگات لێ نییە،
وێنەی لێوێکی سوور
لەسەر کراسەکەت دەبیننەوە.
ڕووخسار و پێست و
کراسی خۆت دەپشکنیت و
دەچیتەوە ماڵ،
ئاگات لێ نییە،
داوی پرچێک لەسەر پاڵتۆکەت دەبیننەوە.
ڕووخسار و پێست و
کراس و پاڵتۆی خۆت دەپشکنیت و
دەچتەوە ماڵ،
ئاگات لێ نییە،
بۆنێک لەناو ئێسکت دەبیننەوە.
ڕووخسار و پێست کراس و
پاڵتۆ و بۆنی ناو خوێنت دەپشکنیت و
دەچیتەوە ماڵ،
ئاگات لێ نییە،
شوختی نینۆکی ژنانە
لە جەستەت دەبیننەوە.
بە کورتی:
ئەگەر ژنت هەیە و
حەزت لە چیرۆکە لەگەڵ ژنانیدی و
نەتەوێ ژنەکەت بیزانێ
یا دەبێ واز بێنیت،
یا دەبێ نەچیتەوە ماڵ.
ناوی نووسەر: #زانا خەلیل# [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 133
Γράψτε το σχόλιό σας για αυτό το προϊόν!