خوداوەندی ماراسۆن
لە (6) ساڵیدا
لە مەکتەب و
لە مودیر و
لە تەیارەی ئێرانی ڕایکرد.
لە (8) ساڵیدا
بەرەو مزگەوت ڕایکرد.
لە (14) ساڵیدا
لە مزگەوت و
لە ماڵ ڕایکرد.
لە (19) ساڵیدا
لە نیشتمان ڕایکرد.
لە (19) ساڵیشەوە تا ناو قەبر
بە دوای ژن و جگەرە و
کحول و شیعردا ڕایکرد.
شانسی نەبوو ئەو بەدبەختە
ئەگەر لە چاخی گریکی کۆن بژیابا
پەیکەرێکیان بۆ چێدەکرد و
ناویان دەنا: خوداوەندی ماراسۆن.
بەڵام چونکە ئێستا زەمەنێکی دیکەیە
کە مرد
لەسەر کێڵەکەی نووسیان:
شاعیرێکی بەدبەخت
تا مرد، بە دوای ڕاکردندا، ڕایکرد.
ناوی نووسەر: #زانا خەلیل# [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 140
Γράψτε το σχόλιό σας για αυτό το προϊόν!