کرێکار
لە کەڵەشێرەکە تێدەگەم
بەر لەکەوتنی کازیوە بانگی داو
گوتی:
بڕۆ بۆ مەیدانی کار.
چووم..
کەچی ئیشم دەست نەکەوت.
نازانم چۆن
بەبێ چەند کولێرەیەک و
کەمێک ترێ و
هەنجیر ،
بگەڕێمەوە ماڵ.
چووم بۆ مەیدانی کار..
ئیشم دەست نەکەوت
شەرم دەکەم بچمەوە بەردەمی مناڵەکان و
دەستەیی جل و
کلێتەیەک و
جووتێ پێڵاوم پێ نەبێ
چووم بۆ مەیدانی کار..
تەریق دەبمەوە
بێ دەفتەرو
کتێب و
قەڵەمی ڕەنگ
بچمەوە بەرچاوی مناڵە خوێندکارەکانم!
چووم بۆ مەیدانی کار..
ئیشم دەست نەکەوت
چەند سەختە بەبێ ملوانکەیەکی زیو
سۆلێک
کۆڵوانەیەکی نیو داشت.
سەیری چاوە ماندووەکانی، هاوژینەکەم بکەم
خودایە خۆت؛
مەیدانێکی کار بکەرەوەو
هێندێ کوڵینگ و
پاچ و
کوتکی ئاسنمان بۆ بکڕەو
ئیشمان بۆ بدۆزەوە.!
هۆزانەوان: #قوبادی جەلیزادە# [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 127
Γράψτε το σχόλιό σας για αυτό το προϊόν!