ژنێک لەهەنگوین
1
بەر لەخۆر،
تۆهەڵدێیت و
دێیتە بەر پەنجەرەی ژوورەکەم.
ئیدی
ئیشێکم نەماوە بە؛
خۆر
2
کە دێی
گوێم لەخوڕي خوڕی هەنگاوەکانتە
ئیدی پێویستیم نەماوە بە؛
ڕووبار.
3
لەسەر شانمدا دەبی بەکۆترو
دەگمێنی
ئیتر ،
گوێ ناگرم لە داکردنی؛
موزیک.
4
وەک گوڵێک لە هەنگوین،
لەناو لەپمدا،
شین دەبیت.
ئیتر
بۆ چیمە،
هاوڕێیەتی گوڵ وهەنگ.
5
شەو بەڕوتی،
دێێتە ناو پێکی مەی و
تژیم دەکەی لە تریفە
ئیدی،
چیم داوە لە پێکەنینی مانگ
6
تا هەتا
سەرقاڵی ئەژماردنی جوانییەکانی تۆم
ئیدی ،
فریای ئەژماردنی،
ئەستێرەکانی ئاسمان ناکەوم.
ناوی نووسەر: #قوبادی جەلیزادە#. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 112
Γράψτε το σχόλιό σας για αυτό το προϊόν!