ناو:قادر
نازناو:قادر فەتاحی قازی
ساڵی لەدایکبوون:1935
شوێنی لەدایکبوون:#مەهاباد#
$ژیاننامە$
مامۆستا قادر فەتاحی قازی، لەدایکبووی ساڵی 1935 شاری مەهابادە، خوێندنی سەرەتای و بەشێکی خوێندنی ناوەندیی لە مەهاباد تەواوکردووە، پاشان لە #تەورێز# لە مانگی حوزەیرانی ساڵی 1954 بڕوانامەی (ئەزموونی) لە ئامادەیی فێردۆسی وەرگرتووە و لە ساڵی 1955 لە بەشی دەرمانسازی زانکۆی تەورێز وەرگیراوە و بۆ ماوەی سالێک لەو بەشە خوێندویەتی. بەهۆی حەزێکی زۆری بۆ خزمەتکردنی ڕۆشنبیری و ئەدەب، لە ساڵی 1956 دەستی کرد بە بەدەستهێنانی بڕوانامەی دبلۆم لە بواری ئەدەبدا. لە هەمان سالدا لە بەشی فارسی لە زانکۆی تەورێز وەرگیراوە و بە پاشکەزبوونەوە لە خوێندنی دەرمانسازی و بەردەوام بوو لە خوێندن لە بەشی فارسی. دوای بە دەست هێنانی بروانەمەی بەکالۆریۆس وەک مامۆستای بەشی فارسی نێردرا بۆ شاری سەراب. مامۆستا قازی خۆشەویستی و حەزێکی زۆری بۆ ئەدەب و زمانی کوردی هەیە، بەتایبەتیی لە بواری فۆلکلۆر و زمانەوانیدا، لەم بوارەدا چەندین بابەتی توێژینەوەی نووسیوە کە لە گۆڤاری زانکۆی تەورێز پەیمانگای ئەدەبیاتدا بڵاوکراونەتەوە.
مامۆستا قازی، لە مانگی ئابی ساڵی 1991 لە سەراب بۆ تەورێز نێردرا و لە زانکۆی لە بەشی ئەدەب و زمانە بیانییەکانی زانکۆی تەورێز وەک مامۆستا کاری کردووە، و لە هەمان ساڵدا لە قۆناغی بڕوانامەى ماستەری زمان و ئەدەبی فارسی وەرگیرا و هاوکات لەگەڵ وانەوتنەوە لە زانکۆی تەورێز درێژە بە خوێندن دەدات و دواتر بووەتە لیژنەی زانستی زانکۆی تەورێز.
مامۆستا، بێ وەستان و بە هەموو جددیەتێکەوە لە بواری زمانەوانی و فۆلکلۆری زمانی کوردیدا لە ماوەی پشووی هاویندا لە مەهاباد و گوندەکانی دەوروبەریدا درێژە بە کاری لێکۆڵینەوەی خۆی داوە، وە ئەو بەیتانەی کە لەلایەن ئامادەبووانەوە خوێنراونەتەوە، بەوردی و بە سەبرەوە تێبینی کردووە و تۆماری کردووە و بەردەوامە لە بڵاوکردنەوەی بەرهەمە توێژینەوەکانی لە گۆڤاری زانکۆی تەورێزدا.[1][2]
Αυτό το στοιχείο έχει γραφτεί σε (کوردیی ناوەڕاست - Central Kurdish) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 209
Γράψτε το σχόλιό σας για αυτό το προϊόν!