کودەتا
جادە پشتی چەماندەوە
سیگناڵی ئەژدیهای سەفەر
ناڵاندی و تەنیاییمی لاواندەوە
دەستی هانی خۆشەویستم
دەستی گرتم...
وتی: پێم دە یادگارێ
دەستم نایە سەری سینگم
- نەمداوە پێت مەگەر گوڵم؟
وتی: کوانێ؟
وتم: دڵم!
وتی: ئەوە دەیان ساڵە لە لام دایە
وتم: هانێ گیانیش لەگەڵ خۆتا ببە!
گیانم بوو بە سێ باڵندەی لانەی ئەوین
لەگەڵ دڵدارا هەڵفڕین!
ئاخ!
گەر بۆم بلوێ
لە سەر نەخشەی وڵاتەکان
هەموو جادە و شەقامەکان دەسڕمەوە
ئیزنی کۆچ و سەفەر نادەم
ئەم یاسایە دڵتەزێنە
بە کوودەتای ئەوینداران
لە جیهانا دەبڕمەوە!
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 95
Γράψτε το σχόλιό σας για αυτό το προϊόν!