کارەسات
باڵندەیەک
چرپاندی بە گوێی گوڵێکدا
گوڵە گیان!
لەچکە سەوزەکەت نەختێ لادە
با خونچەی دەم
تاسەی ئەوینم بشکێنێ
ئاونگی شەرم
بەسەر گۆنای گوڵدا خوشی
وتی شێتە!
ها... ئەو هەورە چۆن دەڕوانێ؟
حەیام دەچێ
ئارام بگرە تا سبەینێ!
هەور گوێی لێ بوو
نەڕڕەی گوڕبن
شریخ و هۆڕی خستە باخ و
بوو بە تەرزە
دەمەو بەیان
کە باڵندە هات بۆ جێژوان
چەند دڵۆپێ خوێنی سوور و
سێ چوار تیکە لەچک مابوو
لە ئەو گوڵە باڵابەرزە
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 62
Γράψτε το σχόλιό σας για αυτό το προϊόν!