ڕەجمم بکەن، تاوانبارم
ڕەجمم بکەن، تاوانبارم
سەرم بکەن بە بنچینەی منارەکان
وەرن بمکەن بە حەللاجێ
بۆ سەمای سەر قەنارەتان
تاقە شێعرێکم ناتوانن دەستەمۆ کەن
لە گێژەنی هەستی خۆما نوقمەسارم!
ببن بە خوا تووڕتان دەدەم
خوای وەک ئێوە ناپەرەستم
نابم بە بەرد سەری خەڵکم پێ بشکێنن
نابم بەدار بۆ فەلاقە
چقڵی ئێوە قەت ناڕوێ
لە ناو بێستانی سەد تەرزم
بۆ ئێوە قەت لینی نابێ
خامەی ڕەنگینی سەربەرزم
سەختم وێنەی پۆڵا و ئاسن
شەپۆلێکی شێت و یاخیم
خەوی بەندەر ئەشێوێنم
دیلم دەکەن هانێ دەستم
ئەوەش گەردن هەڵمواسن.
سەرچاوە: #زڕەی زنجیری وشە دیلەکان#. [1]
هۆزانەوان: #جەلال مەلەکشا#
سەرچاوەی دەق: ڤەژینبوکس. [2]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 64
Γράψτε το σχόλιό σας για αυτό το προϊόν!