زستان یان سەروەشێنە یان دواوەشێنه
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (زستان یان سەروەشێنە یان دواوەشێنه)، کەشناس و سەقاناسەکان لە کۆندا پێشیان دەوترا: حسابگرەوە، بەلێکدانەوە و ئەزموون و تاقیکردنەوە و بەسەرهاتدا ئەوەیان بۆ دەرکەوتوو هەندێک ساڵ زستان لە پایزەوە دەستی خۆی دەوەشێنێت و باران و تەڕوتووشی خۆی بەدیار دەخات و لە کۆتایی وەرزی زستان و سەرەتای بەهاردا خۆشی دەکات و باران و سەرماوسۆڵەی نامێنێت، بەو ساڵە وتراوە: سەروەشێن یان پێش وەشێن، هەندێک ساڵیش لە پایز و سەرەتای زستاندا وشک و ساردە و هەورەکان بێ ئاو و باران دێن و دەڕۆن، بەڵام لە کۆتایی زستان و سەرەتای بەهاردا کەشەکەی دەگۆڕێت و باران و سەرماوسۆڵەیەکی زۆر دەگەڕێتەوە تا کۆتایی بەهار بۆ ئەو ساڵە دەوترێت: زستان دواوەشێنە یان پاش وەشێنە. [1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 36