شێخ بزێنی بۆ نان، شوان بۆ گان
شێخ بزێنی ناوچە و دەڤەرێکی کوردستانە لەبەری لای چەپی #زێی بچووک#ە، لە شاری #کەرکووک#، لە ڕۆژهەڵاتەوە سنووری دەگاتە چیای #خاڵخاڵان# و قەڵاسێوکە و لە ڕۆژاواوە دەگاتە ناوچەی ساڵەیی و لە باشوورییەوە ناوچەی #شوان# و لە باکووریشی #کۆیە# و #قوشتەپە#ی پارێزگای #هەولێر#، ئەم ناوچە کوردستانییە پڕ بەرەکەتە و کەوتووەتە کەناری زێی بچووک-گچکە، دەشتە زێکردەکانی سەرچاوەی داهات و بژێوی دانیشتووانەکەیەتی و ئەو بەرهەم زۆرییە وایکردووە خەڵکەکەی کاسب و ڕەنجبەر و دڵاوا و سەخی و خاوەن قۆناغ و نانبدەر بن، هەرچی ناوچەی شوانە زۆربەی زەوی و زارەکانیان پشتاوە و دێمەکارە و کاری شوانکارە و دانەوێڵە چاندنیان کردووە، ساڵێک هات بووە و ساڵێک نەهات بووە، خەڵکەکە هەموو کاتێک کاروبار و ئیشی نییە بەتایبەت زستانان بێکارتر دەبن و خەڵکی دەستبەتاڵیش زۆرتر لەخۆی دەخەفتێت و بەخۆیدا دێتەوە و دڵتەڕتر دەبێت، بۆیە وتراوە: شێخ بزێنی بۆ نان، شوان بۆ گان.[1]
Αυτό το στοιχείο έχει γραφτεί σε (کوردیی ناوەڕاست) γλώσσα, κάντε κλικ στο εικονίδιο
![](https://www.kurdipedia.org/images/flags/ku.png)
για να ανοίξετε το στοιχείο στην αρχική γλώσσα!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Αυτό το στοιχείο έχει προβληθεί φορές 67
Γράψτε το σχόλιό σας για αυτό το προϊόν!